TIRANE - Ministri i Shëndetësisë Ilir Beqaj është i pari që i uroi suksese zëvendëses së tij Milva Ekonomi, në detyrën e re që ajo do të marrë si ministre e Ekonomisë.
 
Përmes një shkrimi në rrjetet sociale, Beqaj shpreh edhe vlerësimet për punën e Ekonomit në dikasterin e Shëndetësisë.
 
"Urime dhe suksese Milva Ekonomi në detyrën e re!  Faleminderit për punën dhe përkushtimin në këto dy vjet e gjysëm bashkëpunimi në Ministrinë e Shëndetësisë!, shkruan Beqaj.
 
Milva Ekonomi do të zë vendin e ministrit Arben Ahmetaj, i cili u vu në krye të Ministrisë së Financave, pas shkarkimit të ministrit Shkëlqim Cani. 


Redaksia Online
(Gre.M/Shqiptarja.com)