POP 5

Lajmet më të lexuara të 5 minutave të fundit

Arkiva

Berat, Berisha: Do subvencionojmë
energjinë elektrike për pensionistët

Partia Demokratike po zhvillon një miting në Berat. Berisha ka ftuar qytetarët të ecin përpara në rrugën e mirëqenies. "Do subvencionohet plotësisht energjia elektrike për pensionistët dhe transporti i tyre urban dhe interurban", premtoi Berisha.
Berat, Berisha: Do subvencionojmë<br />energjinë elektrike për pensionistët
BERAT - Partia Demokratike po zhvillon një miting në Berat. Fjalën i pari e mori ministri i Teknologjisë dhe Informacionit, Genc Pollo. Ai theksoi se “ne kemi rrugë të qartë, kemi rrugën për integrimin europian, për më shumë shkolla, spitale, Boshtin e Jugut”. Ndërsa Berisha ka ftuar qytetarët të ecin përpara në rrugën e mirëqenies: "Nga ndërtimet në infrastrukturë do ketë rritje punësimi", theksoi Berisha, duke premtuar edhe që "do subvencionohet plotësisht energjia elektrike për pensionistët dhe transporti i tyre urban dhe interurban".

POLLO: FUSHATË DERË MË DERË
Pollo u shpreh se "dje u inagurua tuneli dhe në 2 vjet Boshti i Jugut do shkojë deri në Memalij dhe Gjirokastër. Kemi gazsjellësin TAP, që kalon në Berat dhe do hapë 20 mijë vende pune dhe me lobim të kryeministrit pritet të miratohet. Kemi bujqësi të rilindur për shkak të subvencioneve".

Pollo shtoi se "për njerëz si Edi Rama nuk ka dritë në fund të tunelit'. Pollo u bëri thirrje demokratëve "një fushatë derë për derë, kokë më kokë për të bërë bashkë me strukturat demokratike". “Do bëj gjithçka për Berat të zhvilluar, për një Shqipëri europiane”.
 
BERISHA: NE MBAJMË PREMTIMET TONA

Berisha ka ftuar qytetarët të ecin përpara në rrugën e mirëqenies. "Në infrastrukturë do ketë rritje punësimi", premtoi Berisha. Ai premtoi rroga minimale 350 dollarë, rrogë mesatare dhe për mësuesit 700 dollarë dhe pensione minimale 150 dollarë. "Do subvencionohet plotësisht energjia elektrike për pensionistët dhe transporti i tyre urban dhe interurban.
 
"Ftoj pensionistët të ecim përpara me projektin tonë. Ne mbajmë premtimet tona", tha Berisha. Ai u bëri thirrje emigrantëve, se "çdo projekt i tyre në bujqësi, blegtori do financohet falas për suksesin e tyre". Berisha ka premtuar rritje të turizmit në Berat dhe përmirësim të infrastrukturës.
 
Redaksia Online
(mag/shqiptarja.com)
 
 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën

Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën

27 Nëntor, 21:15