Berat Gjimshiti i sinqertë: Italia e kishte të lehtë sot, duhet të bënim faulla

Kapiteni i Kombëtares, Berat Gjimshiti foli pas ndeshjes Itali 2-1 Shqipëri.

 “Performanca nuk ishte aq e mirë siç e kemi përgatitur. Ka gjëra për të përmirësuar. I kemi lënë shumë hapësira Italisë. Kanë mbërritur shumë lehtë në zonën e 16-shes.

Duhet analizuar dhe duhet përmirësuar shumë lehtë, sepse nuk ka kohë. Për 4 ditë do të luajmë me Kroacinë. Momenti më i vështirë është kur shënojmë gol. Gjëja më pozitive e kësaj nate është që kemi qendruar në lojë deri në minutën e 94-t. Kishim edhe një rast në fund për të barazuar.

LEXO EDHE:
Legjenda Jurgen Klinsmann: Shqipëria ekip me cilësi, do i hapin telashe edhe Spanjës

Pas pjesës së parë i thashë të gjithëve që kishin munguar faullat sot. Duhet t’i ndërprisnim ritmin kundërshtarit. Duhen edhe këto, jo vetëm loja e bukur. E gjithë skuadra zbriti shumë poshtë.

Duhet të ngjitemi pak më lartë dhe të bëjmë presion, sepse ishte shumë e lehtë për ata sot. Tifozeria më e bukur në botë. Nuk ka shumë fjalë. Dua t’i falenderoj të gjithë shqiptarët në botë. Ishte një atmosferë fantastike. Është një nxitje për ne që të japim maksimumin dhe pse jo të befasojmë", tha Gjimshiti.

Lajmi kryesor:

Euro 2024/ Goli dhe rekordi i Bajramit s'mjaftojnë, Italia përmbys 2-1 Shqipërinë! Dortmundi vishet kuqezi

S.DH/Shqiptarja.com

TAG:
• euro 2024
• uefa
• sylvinho
• itali
• Kombetarja shqiptare