Për të hyrë në qytetin e Beratit, shoferët e automjeteve duhet të jenë me nerva shumë të forta, kjo pasi çdo ditë drejtuesit e automjeteve përballen me trafik të rënduar.
 
Sipas specialistëve të qarkullimit, kjo situatë shkaktohet nga mungesa e një rrethrrotullimi në pjesën hyrëse të qytetit.

Ky fenomen është i përditshëm në hyrje të qytetit të Beratit.
 
Çdo ditë me dhjetëra automjete bëhen varg në hyrje të qytetit.
 
Sipas specialistëve të qarkullimit rrugor shkak i këtij trafiku është mungesa e një rrethrrotullimi në hyrje të qytetit dhe mungesa e një rruge tjetër alternative që të çon në brendësi të tij.

Nga hyrja e qytetit deri në gjykatë, shoferët përballen me rradhë të gjata, bori makinash, fyerje e sharje.
 
Lorenc Tanushi, një inspektor i qarkullimit rrugor thotë se janë shtuar patrullimet për të bërë të mundur qarkullimin normal të automjeteve

Ndonëse ka patur ndërhyrje për përmirsimin e sinjalistikës rrugore, në këtë zonë trafiku i rënduar vazhdon të mbetet një problem serioz për drejtuesit e autojeteve. 


Redaksia Online
(F.T/shqiptarja.com)