Berat, Topalli merr pjesë
në 21 vjetorin e PD

BERAT – Kryetarja e Kuvendit Jozefina Topalli, ka marrë pjesë në festimet për 21 vjetorin e krijimit të Partisë Demokratike në qytetin e Beratit.
Gjatë takimit me simpatizantë dhe qytetarë të Beratit, Topalli tha se ky përvjetor përkon me një festë jubilare për vendin, 100 vjetorin e Pavarësisë së vendit. Më pas ajo ka sjellë në kujtesë momente nga krijimi i PD-së, në dhjetor të vitit 1991.
“Shqiptarët, si çdo herë në historinë e tyre me sytë nga perëndimi, nga vlerat e lirisë, atdhedashurisë, 21 vite më parë ashtu si në Tiranë, Shkodër, Vlorë edhe këtu në Berat u ngritën dhe krijuan atë që do ishte partia e lirive e të drejtave të njeriut, e të drejtave politike, e të drejtave civile”, tha Topalli gjatë takimit në Berat.

(aq/shqiptarja.com)