Dorëheqja e kreut të PD, Berisha: Ka marrë shpërblim 220 mijë euro nga Rama! I përgjigjet Alibeaj: Nuk jam si Xeni që paguhet për gjithçka

Dorëheqja e Enkelejd Alibeajt për Sali Berishën ka kushtuar 220 mijë euro. Në reagimin e tij të patë për mediat për dorëheqjen e kreut të komanduar të PD-së, Berisha thotë se Alibeaj mori 220 mijë euro shpërblim nga Edi Rama.

I pyetur për një mundësi bashkëpunimi me grupin tjetër të demokratëve, Berisha i vuri përfundimisht vizën e kuqe Alibeajt dhe Lulzim Bashës, duke thënë se janë të përjashtuar nga PD, të cilën pretendon se e drejton.

‘Dy persona janë të larguar në mënyrë përfundimtare nga PD. Njëri është Lul Brava, tjetri është Alibasha që mori vetëm sot shpërblim nga Edi Rama, 220 mijë euro. PD është e hapur për të gjithë të tjerët për debat, për negociata, për çfarë të dëshirojnë. Por dy persona, pengje të Edi Ramës, u përdorën në mënyrën më të pamëshirshme për të goditur opozitën shqiptare.’- tha Berisha.

LEXO EDHE:
Jakin Marena: Argita, shkaku i ‘divorcit’ Berisha-Meta, SPAK do t’i ‘bashkojë’?!

Shumë pak minuta mjaftuan që Alibeaj t’i përgjigjej Berishës, duke i cilësuar akuzat baltosje për t’i mbijetuar rezultatit të dobët që mori më 14 maj. Alibeaj thotë se ai nuk është me parime si Xeni (djali i Berishës) që paguhet për gjithçka.

'Edi Ramës i duhet Sali Berisha dhe soji e sorollopi i tij i korruptuar për të justifikuar korrupsionin ku është zhytur ai dhe qeveria e tij. Unë nuk kam qenë kurrë e nuk jam me parimin e Xenit, për tu paguar për gjithçka.'- shkruan Alibeaj.

Në daljen për mediat, kreu i Rithemelimit tha se të dielën iu mohua e drejta e votimit rreth 200 mijë zgjedhësve pasi emrat e tyre ishin transferuar në zona të tjera pa asnjë paralajmërim.

'Por, farsa elektorale e majit 2023, gërshetoi në mënyrën më të shëmtuar dy stile të farsave elektorale. Stilin e narkoshtetit dhe mafies së tij me stilin Putin, i cili parakupton përdorimin e të gjitha mjeteve të shtetit për kontrollin e votës së lirë të qytetarëve dhe ndryshimin e rezultateve. Në dallim nga zgjedhjet e mëparshme, në këto zgjedhje u rikthye me të gjithë pasojat e shëmtinë e tij, loja me listat e votimit, përjashtimi i zgjedhësve nga qendrat e votimit nëpërmjet listave të votimit. PD e denoncoi publikisht aktin kriminal elektoral të Edi Ramës dhe ministrit të familjes së tij, Çuçi, të cilët ndryshuan qendrat e votimit të 1.3 milionë zgjedhësve.

PD e denoncoi këtë akt si një përpjekje brutale për t’u mohuar të drejtën e votës sipas bindjeve politike qytetarëve shqiptarë. Dita e votimit ishte ditë e përjashtimit të më së paku mbi 200 mijë zgjedhësve shqiptarë. Emrat e tyre ishin transferuar në qytete të tjera, në zona të tjera. Pa asnjë paralajmërim dhe në kundërshtim me çdo ligj të vendit. Vetë KQZ pohon se për këtë shkak nuk votuan ditën e votimit 180 mijë shqiptarë, të zgjedhur me garanci të plota në bazën e kriterit të bindjeve politike.'- tha Berisha.

Rendit zhvillimet sipas orarit:

Të Fundit Të Parat

M.Q./B.V/Shqiptarja.com

TAG:
• Dorehiqet Enkelejd Alibeaj
• PD
• zgjedhjet vendore 2023
• enkelejd alibeaj
• sali berisha