Berisha-Arvizut: Fyerjet mbaji
për vete...dhe rrugë të mbarë
Ish-kryeministri Berisha ka komentuar intervistën e dhënë nga ambasadori i SHBA Aleksandër Arvizu një ditë më parë, ndërsa thotë se ai po largohet si miku i Ramës. Nëpërmjet një postimi në rrjetin social “Facebook”, Berisha shkruan se ambasadori Arvizu duhet ta përdorte intervistën e fundit si një mundësi për t’u larguar si mik i shqiptarëve.
TIRANE- Ish-kryeministri Berisha nuk ka mundur të krijojë një komunikim normal me ambasadorin në largim të SHBA, Aleksandër Arvizu, teksa i ka uruar festat duke i kujtuar se po ikën si miku i Edi Ramës. Deklaratat e dy ditëve më parë të ambasadorit Arvizu, për situatën në të cilën ndodhet PD dhe opozita shqiptare, nuk kanë lënë aspak shije të mirë te ish-kryeministri Berisha i cili prej kohësh ka një marrëdhënie të shkëputur me diplomatin amerikan.
“Fyerjet mbaji për vete dhe rrugë të mbarë”, i ka uruar ish-Kryeministri Berisha, ambasadorit amerikan Arvizu në ditën e tij të fundit të qëndrimit në Shqipëri. Reagimi i ashpër i Berishës, ka ardhur jo vetëm nga deklaratat e bëra nga diplomati amerikan por edhe nga studio në të cilën ai ka qenë i ftuar dhe ka shprehur qëndrimet e tij, duke e konsideruar një rast të humbur atë të ambasadorit amerikan. “Ambasadori Arvizu ishte mbrëmë në intervistë lamtumire para largimit nga Shqipëria. Ai kishte përzgjedhur për këtë intervistë, gazetarin më të preferuar të Edi Ramës, Sokol Ballën.
Mendoj se intervista e lamtumirës ishte një rast i mirë që ai të largohej si një mik i shqiptarëve, i atyre që qeverisin, i atyre që nuk mbështesin ndonjë parti politike dhe i atyre që janë në opozitë, pa të cilët demokracia nuk ekziston. Por ai zgjodhi, në rrafshin politik, të largohet thjesht si mik i Edi Ramës dhe mbështetësve të tij”, deklaroi Berisha. Ajo çfarë ka shqetësuar më shumë ish-kryeministrin Berisha, ka qenë retorika dhe përcaktimet e bëra nga Arvizu, të cilat sipas tij janë identike me ato të kryeministrit Rama.
“Për të faktuar këtë, ai përdori termat me tipike si SHQUP, që Edi Rama përdor për të fyer Partinë Demokratike. Në kësi rastesh, kur tjetri të fyen, ne shqiptarët, me vetpërmbajtje i themi “Fyerjen mbaje për vete.” Kurse unë i them ambasadorit Arvizu: Fyerjet janë akte ekstreme në diplomaci dhe se fyerjet ndaj opozitës me fjalët e pushtetit, jo që nuk nuk janë meritë, por janë mjerim.
Ato janë dobësi më shumë se diplomatike. Ambasadori Arvizu është në ditët e fundit të qëndrimit të tij në Shqipëri, ndaj le t’i urojmë “Gëzuar festat e fundvitit”, u shpreh ish-kryeministri. Dy ditë më parë ambasadori në largim i SHBA, kërkoi që PD të rigjej identitetin e saj duke rikthyer në seli, figura si Mustafaj, Bojaxhiu dhe Mark Markun.
Redaksia Online
(d.a/shqiptarja.com)
Sondazhi i ditës:
A justifikohen aktet e dhunes gjatë një proteste politike?
-
Po
19.9%
-
Jo
75.5%
-
Nuk e di
4.6%
Vota total: 1879
Votat totale janë unike
Lajme të tjera
-
Kampet e emigrantëve në Shqipëri? Vetëm për afrikanët nga Bregu i Fildishtë! Vijnë më pak se 5 vite më parë! Alternativa për qeverinë italiane? Të thyejë ligjin
9 Tetor, 23:18
-
Shtetet që do të përcaktojnë fituesin e garës për Shtëpinë e Bardhë
9 Tetor, 22:57
-
'Skifteri’ shqiptar u vidhte italianëve kartat bankare ATM dhe bënte blerje ‘inteligjente’! Arrestohet 30-vjeçari me precedentë, akuzë për mashtrim kompjuterik
9 Tetor, 22:52
-
VIDEOLAJM/ Uragani Milton drejt Floridës, Biden: Do të jetë stuhia e shekullit
9 Tetor, 22:51
-
'Organizata Gulen ka eksponentë edhe në ushtri', eksperti: Janë të rrezikshëm për një demokraci të brishtë si Shqipëria
9 Tetor, 22:35
-
Erdogan nesër për inaugurimin, nënkryetari i KMSH-së: Xhamia e Namazgjasë do ta menaxhojë fondacion i kryesuar nga Myftiu i Tiranës
9 Tetor, 22:25
-
'Erdogan po vjen si Kalif', ish kreu i arkivave: Turqia nuk mund të na diktojë politikën e brendshme
9 Tetor, 22:16
-
Erdogan inauguron xhaminë e Namazgjasë/ Arapi: Tallja ndaj myslimanëve mori fund! Tanini: Arkitektura e saj është brutale! Mirë që nuk ka emrin e ndonjë sulltani
9 Tetor, 22:08
-
Vlorë/ Dhunohet polici bashkiak, përfundon me fraktura në spital! Shkak dyshohet gjoba që i vendosi një furgoni të linjës së fshatit
9 Tetor, 22:01
-
Moti i keq/ Reshje intensive shiu në Lezhë, vërshojnë përrenjtë në zonën e Zadrimës! Disa banesa të përmbytura, evakuohet një familje (VIDEO)
9 Tetor, 21:53
-
Anulohet seanca e nesërme plenare në Parlament! Pritet vizita e Erdogan, ndërsa PD kishte paralajmëruar sërish kaos
9 Tetor, 21:37
-
Ishte duke ecur, makina përplas të moshuarin në Lushnjë! Autori largohet nga vendi i ngjarjes
9 Tetor, 21:32