TIRANË-ELBASAN - "Kam menduar për zotimin e Ben Blushit dhe që ta ftoj në selinë e PD-së dhe t’i dorëzoj teserën e PD-së vetëm e vetëm për t’i dhënë mundësinë një herë në jetë të mbajë fjalën e tij".

Me pak buzëqeshje dhe këto fjalë i është drejtuar kreu i qeverisë Sali Berisha anëtarit të kryesisë së PS-së dhe njëkohësisht kandidat për deputet i PS-së në Elbasan, i cili kohë më parë ka deklaruar se "nëse bëhet tuneli i Kërrabës, do vij të marr teserën e PD-së".

"E pres në seli, kur të dojë, t’ia dorëzoj atë dokument, se ne tunelin e ndërtuam. Alternativa jonë është e tuneleve, e autostradave”, i tha Berisha Ben Blushit.

Redaksia Online
(mag/shqiptarja.com)