POP 5

Lajmet më të lexuara të 5 minutave të fundit

Politikë

Berisha drejton nga Facebook
me mesazhe Bashën dhe PD

Kryetari i dorëhequr i Partisë Demokratike nuk ka lëvizur nga drejtimi duke shuar shpresat e të gjithë atyre demokratëve që mendojnë një fillim të ri në këtë parti. Deklaratat e tij në facebook përbëjnë “korsinë” e deklarimeve të Bashës dhe RD.
Berisha drejton nga Facebook<br />me mesazhe Bashën dhe PD
TIRANE - Kryeministri në detyrë Sali Berisha nuk është larguar nga drejtimi i Partisë Demokratike. Ai vijon të drejtojë këtë parti, ashtu siç e ka drejtuar për 23 vite me radhë, pavarësisht se në krye të PD është zgjedhur sipas parimit “një anëtar një votë” kryetari aktual i bashkisë së Tiranës Lulzim Basha. Dhe për t’u bindur që vërtetë Berisha vijon të drejtojë me dorë të hekurt Partinë Demokratike, nuk duhet të shikohet thjeshtë numri i deklaratave që hedh ai në rrjetet sociale, por përmbajtja që kanë dhe se si përkthehen këto mesazhe nga ana e drejtuesit të ri të PD, zëdhënëses së PD, zyrtarëve të lartë dhe deputetëve të PD si dhe organit zyrtar të kësaj partie, Rilindja Demokratike.

Gjithçka që shkruan Berisha, ish-kreu i PD në profolin e tij në rrjetin social facebook, përkthet menjëherë nga kreu i ri Basha apo zëdhënësja e PD në deklaratë zyrtare. Duke treguar qartë se të gjitha mesazhet që jepen nga Berisha në rrjetin social, janë shinat mbi të cilat lëviz opozitarizmi i ri i djathtë shqiptar dhe më konkretisht të gjithë deklaratat e lidershipit të PD.

Ndaj dhe ish-kryetari i PD Berisha në mënyrë të dukshme pasi shpalos “platformën” në facebook, përmes goditjes që i jep qeverisë së re ende pa ardhur në krye të punëve në Shqipëri, në respekt të votave të marra më 23 qershor, menjëherë ajo kthehet në kauzë opozitare nga ana e strukturave zyrtare të PD, duke filluar nga kryetari i ri Lulzim Basha, vijuar me zëdhënësen e PD, dhe botuar më pas dhe në gazetën RD, organ zyrtar i kësaj partie. Dhe rastet më të freskëta janë kontestimi i zgjedhjeve në Lezhë e Shkodër, duke deklaruar se opozita në këto dy qarqe ka vjedhur votën dhe duke paralajmëruar se nuk do të ketë paqe politike në vend përsa kohë nuk bëhet transparencë e plotë e zgjedhjeve në këto dy qarqe dhe në të gjithë Shqipërinë.

Vetëm pak orë pas hedhjes në facebook nga Berisha e kësaj deklarate, menjëherë ajo u bë linjë zyrtare e qëndrimit të opozitës së re të djathtë, me deklaratat e kreut të PD Basha në këtë linjë, me deklaratën e zëdhënëses së PD Vorpsi po në këtë linjë dhe me pasqyrimin detajuar në gazetën RD. Rasti tjetër flagrant është ai i akuzave ndaj kabinetit të ri qeveritar të majtë të drejtuar nga kreu i PS Edi Rama. Ish-kryetari i PD Berisha shkruan në facebook se Shkëlqim Cani ministër i ri i Financave është ministër i Ramiz Alisë, dhe menjëherë pas një ore del kryetari i PD Basha dhe thotë të njejtën gjë, pas Bashës del zëdhënësja Vorpsi dhe thotë të njejtën gjë, dhe në vijim me radhë të gjithë deputetë dhe ish-deputetë të PD në kor hedhin në rrjetet sociale mot a mot të njejtat akuza. Ndërsa RD i kushton dy faqe pikërisht këtyre akuzave.

E njëjta gjë dhe me ministrat e tjerë, duke filluar nga Ditmir Bushati, ministër i Jashtëm, vijuar me Sajmir Tahirin Ministër i Brendshëm, me Erjon Veliajn ministër të Mirëqenies dhe Rinisë dhe tërë kabinetin qeveritar. Me të njejtën praktikë, renditje deklaratash, tonalitet akuzash dhe afat kohor nga njëra tjetra.

OPOZITA

Ish-kryetari i PD Berisha në mënyrë të dukshme pasi shpalos “platformën” në facebook, përmes goditjes që i jep qeverisë së re ende pa ardhur në krye të punëve, në respekt të votave të marra më 23 qershor, menjëherë ajo kthehet në kauzë opozitare nga ana e strukturave zyrtare të PD.

Ky shkrim u botua sot në Shqiptarja.com, versioni print, dt.09.08.2013
Redaksia online
(ar.sh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça