POP 5

Lajmet më të lexuara të 5 minutave të fundit

Politikë

Berisha hap qesen për Nishanin
pas nënshkrimit të SHQUP-it

 Në mbledhjen e qeverisë është miratuar një shtesë fondi për institucionin e Presidencës, për shtimin e shpenzimeve korrente për këtë vit financiar.
 TIRANE- Shpërblimi i kryeministrit Berisha ka ardhur i menjëhershëm për Presidentin Nishani, pasi ky i fundit, firmosi heqjen e pronësisë së Ministrisë së Mbrojtjes nga Shtëpia Qendrore e Ushtrisë. Në mbledhjen e qeverisë, zhvilluar gjatë mesditës së të Mërkurës, është miratuar një shtesë fondi për institucionin e Presidencës, për shtimin e shpenzimeve korrente për këtë vit financiar, fonde këto që do të merren nga fondi rezervë i buxhetit të shtetit.
 
“Presidencës, në buxhetin e miratuar për vitin 2013, t’i shtohet fondi prej 5 milionë lekësh, për shpenzime korrente. Shpenzimet korrente kanë të bëjnë me paga, shpërblime, mirëmbajtje, djeta, furnizime, pra me gjithçka që nuk është investim kapital”, thuhet në vendim.
 
Më parë, qeveria i ka akorduar disa herë fonde prej qindra mijëra eurosh shtesë presidentit Nishani, për të modernizuar dhe mobiluar “Vilën 4”, ku jeton ai me familjen e tij.
 
Kjo shtesë bëhet menjëherë pasi kreu i shtetit njoftoi se kishte miratuar heqjen e SHQUP-it nga inventari i objekteve ushtarake, që hapi rrugën që qeveria t’iu kalonte këtë objekt Partisë Demoktratike, që kjo parti ta përdorte si seli.


V E N D I M


PËR

NJË SHTESË FONDI NË BUXHETIN E VITIT 2013, MIRATUAR PËR PRESIDENCËN

Në mbështetje të nenit 100 të Kushtetutës, të neneve 5 e 45, të     ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 13, të    ligjit nr.119/2012, “Për buxhetin e vitit 2013”, të ndryshuar, me propozimin e ministrit të Financave, Këshilli i Ministrave

V E N D O S I:

1.    Presidencës, në buxhetin e miratuar për vitin 2013, t’i shtohet fondi prej 5 000 000 (pesë milionë) lekësh, për shpenzime korrente.

2.    Ky efekt të përballohet nga fondi rezervë i buxhetit të shtetit, miratuar për vitin 2013.

3.    Ngarkohet  Ministria e Financave për zbatimin e këtij vendimi.

     Ky vendim hyn në fuqi menjëherë.
  
                                      
K R Y E M I N I S T R I
               
                                       
SALI  BERISHA

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ për rreth 55 mijë emigrantë

28 Janar, 22:00 nga Danjela Maloku