POP 5

Lajmet më të lexuara të 5 minutave të fundit

Politikë

Berisha hap fushatën për zgjedhjet në Kukës, në krah të tij Ilir Meta

Ish-kryeministri Sali Berisha mori pjesë në hapjen e fushatës elektorale për zgjedhjet e pjesshme lokale në bashkinë e Kukësit, ku prezantoi dhe kandidatin Emri Vata që garon nën siglën e koalicionit bashkë fitojmë

Berisha hap fushatën për zgjedhjet në Kukës, në krah të tij Ilir Meta

Sali Berisha dhe Ilir Meta në hapjen e fushatës në Kukës

Kreu i Rithemelimit Sali Berisha ka hapur fushatën për zgjedhjet e pjesshme në Bashkinë e Kukësit, duke prezantuar kandidatin Emri Vata, së bashku me aleatin e tij ilir Metën, tek i cili gjeti sërish strehë për t'u bërë pjesë e garës, për shkak se vulën dhe logon e PD-së zyrtare e ka kryedemokrati Lulzim Basha.

Në fjalën e tij gjatë prezantimit të kandidatit opozitar Emri Vata, Berisha u ka bërë thirrje opozitarëve që ta mbështesin për të rrëzuar kryeministrin Edi Rama nga qeveria.

"Demokratet dhe demokratët, opozitarët dhe opozitare e Kukësit dhe mbarë Shqipërisë, u përçmuan këto 10 vite më shumë se kurrë në 30 vitet e fundit. U përzunë nga vendi i tyre, u pushuan nga puna, ju mbyllën bizneset, ju hoq ndihma ekonomike, u detyruan të përcjellin fëmijët në dhera të tjerë, u trajtuan si armiq. Në këtë kontekst mund të ju them se sot në një kohë kur në botë të drejtat dhe liritë e njeriut kanë marrë një dimension që nuk e kanë pasur ndonjëherë, as armiqtë e jashtëm nuk mund të silleshin më egër se sa sekti i rilindjes ndaj popullit opozitar”, tha mes të tjerash Berisha në Kukës.

Në garë për Bashkinë e Kukësit janë Albert Halilaj i Partisë Socialiste dhe Emri Vata i "Bashke Fitojmë". Edhe pse u regjistrua si subjekt zgjedhor Partia Demokratike e drejtuar nga Lulzim Basha nuk paraqiti asnje kandidat. PD zyrtare ka deklaruar se shkak për mospjesmarrejn në zgjedhje është koha e pamjaftueshme dhe konflikti i ndezur mes demokratëve. Kukësi do të shkojë në zgjedhje më 24 shtator, pas video-skandalit seksual të ish-kryebashkiakut Safet Gjici. Prej 3 muajsh ai është në paraburgim dhe akuzohet nga SPAK për “korrupsion pasiv”.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Ora e xhepit e njeriut më të pasur të Titanikut shitet për 1.5 milionë dollarë

Ora e xhepit e njeriut më të pasur të Titanikut shitet për 1.5 milionë dollarë

28 Prill, 10:31