POP 5

Lajmet më të lexuara të 5 minutave të fundit

Politikë

Berisha i lë trashëgim Ramës
kryeinspektoren, kandidate e PD

Mimoza Hajdarmataj, zyrtarja e lartë pranë kryeministrit, e emëruar më 2011. Ishte kandidate humbëse për deputete në Qarkun e Kukësit për PD në zgjedhjet e 23 Qershorit.
Berisha i lë trashëgim Ramës<br />kryeinspektoren, kandidate e PD
TIRANE- Inspektorati Qëndror pranë Këshillit të Ministrave, në varësinë direkte të Kryeministrit vijon të drejtohet nga një zonjë, që i ka mbijetuar gjithë drejtuesve të lartë të qeverisë, pavarësisht nëse ka qënë PD apo PS në pushtet. Ajo quhet Mimoza Hajdarmataj, e diplomuar në UT, Inxhinieri Elektrike, Dega Elektronikë, me  studime pasuniversitare pranë Inxhinierisë së Ndërtimit me temë “Vlerësues i Pasurive të Paluajtshme”, në Fakultetin Ekonomik Master Profesional në “Marketing i avancuar” dhe në Fakultetin e Histori-Filologji Master Shkencor në “Marrëdhënie Ndërkombëtare”.

Mimoza Hajdarmataj është Inspektore e Përgjithshme prej më shumë se dy vjetësh, kandidate humbëse për deputete në Qarkun e Kukësit për PD në zgjedhjet e 23 Qershorit, e pesta në listë vijon në këtë detyrë që varet direkt nga Edi Rama. Njëherësh Hajdarmataj mbetet ndër të vetmet drejtuese të larta, që varet direkt nga kryeministri, që nuk është larguar nga posti që mban që nga viti 2011. Kryeinspektorja ka drejtimin e të gjitha inspektorateve që janë vendosur pranë ministrive të linjës, që menaxhohen vetëm nga një dorë.

Kështu, Inspektorati Shtetëror i Punës e Shërbimeve Sociale, Autoriteti Kombëtar i Ushqimit, Inspektorati Shtetëror i Mjedisit, Inspektorati kombëtar i Arsimit Parauniversitar, Inspektimi i Metrologjisë e Kalibrimit, Inspektimi për Mbrojtjen nga Rrezatimi Jonizues, Inspektimi i Sigurisë së Veprimtarive Minierave, Zyra Shqiptare për të Drejtat e Autorit, Inspektimi i Sigurisë dhe Shpëtimit nga Zjarri, Inspektorati Qendror Teknik, Inspektorati Ndërtimor Urbanistik Kombëtar dhe Qendra Kombëtare e Kontrollit të Barnave janë në dorën e Hajdarmatajt, duke e bërë atë më të besuarën e kryeministrit në të gjitha rastet, pasi përmes saj ushtron kontrollin mbi këto inspektorate. Ajo është emëruar më 30 gusht 2011 nga Këshilli i Ministrave i drejtuar nga Berisha, me VKM. Megainspektoriati është formuar nga shkrirja e 36 inspektorateve në 12 të tilla e do jetë superfuqi me të drejta absolute.
 
Hajdarmataj nderim në Kukës para zgjedhjeve
Këshilli i Qarkut Kukës nderoi studentët e "Grupimit të Dhjetorit 90" me titullin e mirënjohjes. Në mes të të nderuarve ku spikaste deputetja Doda, ishte dhe kryeinspektorja Mimoza Hajdarmataj. Një ceremoni kjo në përkujtim dhe të rrëzimit të bustit të diktatorit Enver Hoxha më 20 shkurt 1991. Ndër ta më të spikaturit në organizimin e kësaj lëvizjeje ishin studentët e Qarkut Kukës, lideri i Dhjetorit ‘90 Azem Hajdari e dhjetra studentë të tjerë.
 
Shkrimi u publikua sot (29.11.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04