Berisha jashtë Kuvendit: Nëse do hapej debati, do paraqisnim dokumenta për aferat korruptive

 

Sali Berisha ka folur jashtë Kuvendit pasi nuk u pranua kërkesa për debat në seancën parlamentare ku do të votohen ndryshimet në qeveri.

“Në Parlamentin e monizmit të plotë, Edi Rama shkelmon rregulloren e cila në nenin 110 të saj sanksionon debatin Parlamentar për programin, por edhe për përbërjen e Këshillit të Ministrave. Sot ndryshon përbërja e Këshillit të Ministrave dhe në çdo Parlament në botë, përveç Parlamentit të monizmit të plotë do të bëhej debat. Këtë e ka të qartë Edi Rama, por ai bën çdo lloj manovre dhe çdo lloj përpjekje për të mbuluar faktin se ai, Rama, është padrino i Arben Ahmetajt. Ia thash edhe në Parlament, vish çdo lloj xhakete, por qyrkun e hajdutit nuk e heq dot kurrë nga shpina. Kjo është e vërteta. E vërteta është se ai ka firmosur në shkelmim të ligjeve të vendit dhe vetëm e vetëm për të vjedhur. Kontratë me negociata të mbyllura që s’mund të firmosej kurrë nga një kryeministër që do të zbatojë ligjin. 

LEXO EDHE:
Dy buste dhe një shtatore e Skënderbeut vendosen në 3 komuna në Kalabri, Begaj-arbëreshëve: Jini ambasadorë të vlerave tuaja

 Edi Rama është firmëtari i famshëm që i ka dhënë për tenderin Sharrës 8 pikë kompanisë së vet. Ja pra pse nuk lejojnë diskutimin se këto do jua thonim me dokumenta shqiptarëve. Sic keni marrë vesh ka firmosur për 91 milionë euro duke falsifikuar dokuemntein e firmosur prej tij dhe duke e paraqitur sit ë të gjitha bashkive të qarkut. Po nisem për Mirditë, do fitoj 100-vjetorin e marrëdhënies diplomatike me SHBA. Unë do ta festoj me shqiptarë të vërtetë jo me nëpunës të paguar”, tha Berisha.

Lajmi kryesor:

Miratohen ndryshimet në qeveri, Balluku si zv.kryeministre dhe Dhuka në krye të negociatave me BE! Alibeaj dhe Berisha kërkuan debat, mazhoranca tha jo

A.M./r.k./Shqiptarja.com

TAG:
• ndryshimet ne qeveri
• edi rama
• Bajram Begaj
• Kuvendi i Shqiperise