TIRANE - Një nga deputetët e vetëm të Kuvendit fjala e të cilit nuk ndërpritet kurrë për çështje kohe, gjykon për kohën e të tjerëve. Ish- kryeministri Berisha sot në seancën plenare i kërkoi ministrit Gjiknuri të mos e ndërpresë teksa flet dhe të respektojë rregulloren ndërkohë që këtë gjë rrallë e bën vetë....
 
“Foli dy orë marrëzira dhe nuk ja ndërpreva fjalën, tani të lutem shumë respekto rregulloren (Berisha i drejtohet Gjiknurit)

Nuk ka vonuar shumë dhe ndërsa mbante një fjalim të gjatë para deputetëve, ish-kryeministri i është kthyer me fyerje dhe ofendime ministrit të Energjetikës Damian Gjiknuri, i ulur pas tij në karrigen e kabinetit qeveritar
 
Berisha Gjiknurit: Ti je një cop rrugaçi, ordiner, nuk ke turp.
(në sallë dëgjoheshin deputetët: kërkoi falje)

Berisha: Po si more ti kërkoj falje unë tani..
 
Vetëm pak para se të shpërthente në fyerje, ish-kryeministri Berisha tha se ka një fjalor mjaft të pasur “me fjalë të ndyra”, por se do ti kursente ato për të respektuar Kuvendit.
 
Berisha: Dua t’i them parafolësit aksidental (kryeministrit Edi Rama) se fjalori është i hapur për të gjithë dhe mund të nxjerrë fjalë nga më të ndyrat dhe të zezat që ai i meriton por unë në respekt të qytetarëve dhe parlamentit nuk ja lejoj vetes diçka të tillë. 

Redaksia online
(s.m/shqiptarja.com)