POP 5

Lajmet më të lexuara të 5 minutave të fundit

Politikë

Berisha: Kanë ikur koha kur Serbia
fliste me Shqipërinë për Kosovën

Ish-kryeministri Sali Berisha i ka drejtuar një mesazh ministrit të Jashtëm të Serbisë, Ivan Mrkić: “Rama nuk ka dhe nuk mund të ketë kurrë mandat për të diskutuar në Beograd për Kosovën”.
Berisha: Kanë ikur koha kur Serbia<br />fliste me Shqipërinë për Kosovën
TIRANË - Ish-kryeministri Sali Berisha i ka drejtuar një mesazh ministrit të Jashtëm të Serbisë, Ivan Mrkić. “Zoti Mrkić, Rama nuk ka dhe nuk mund të ketë kurrë mandat për të diskutuar në Beograd për Kosovën. Kohërat e Hoxhës kanë marrë fund!”, shkruan Berisha në profilin e tij në Facebook.
 
Sipas Berishës, “sot Beogradi njoftoi nëpërmjet ministrit të Jashtëm, Mrkić se Edi Rama do realizojë në shkurt vizitën e tij në Beograd, të shtyrë për arsye enigmatike nga muaji nëntor. Pas marrëveshjeve Prishtinë-Beograd të firmosura në Bruksel janë krijuar mundësi reale për një bashkëpunim të gjerë rajonal”, shkruan ish-kryeministri në profilin e tij.
 
Sipas Berishës, “në këtë kontekst, Tirana dhe Beogradi duhet të bëjnë përpjekje për zhvillimin e marrëdhënieve dhe bashkëpunimit të gjerë bilateral në interesin më të mirë të dy vendeve”. “Por përfshirja e Kosovës në axhendën e takimit bilateral Tiranë-Beograd, siç njoftoi zoti Mrkić, është absolutisht e dënueshme”, thekson Berisha në shënimin e tij në Facebook.
 
Ish-kryeministri shkruan se, “Kosova e pavarur ka përfaqësuesit e vetë me legjitimitet kombëtar dhe ndërkombëtar dhe nuk mund të përfaqësohet nga asnjë përfaqësues i Shqipërisë apo ndonjë vendi tjetër për interesat e saj në Beograd”.
 
“Zoti Mrkić dhe Edi Rama duhet ta dinë mirë se kohërat kur Beogradi diskutonte me përfaqësuesit e Shqipërisë për Kosovën kanë marrë fund”, përfundon mesazhi i ish-kryeministrit Sali Berisha në Facebook.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lufta/ Hamasi bombardon qytetin e Gazës, 8 të vdekur, 5 të plagosur

Lufta/ Hamasi bombardon qytetin e Gazës, 8 të vdekur, 5 të plagosur

29 Nëntor, 07:32