POP 5

Lajmet më të lexuara të 5 minutave të fundit

Arkiva

Berisha në Vorë: Rama po ushqen
luftën e klasave ndaj të pasurve

Partia Demokratike zhvilloi takim elektoral në Vorë. Në fjalën e tij, kryeministri Berisha ka akuzuar Ramën, se "po ushqen urrejtje klasore ndaj të pasurve dhe se heqja e TVSh-së tek ushqimet shkatërron ekonominë e vendit".
VORË (TIRANË) - Partia Demokratike zhvilloi takim elektoral në Vorë. Në fjalën e tij, kryeministri Sali Berisha ka theksuar se "vendi ka shënuar rritje, por qeveria e tij ka projekte më të mëdha përpara". Berisha e ka akuzuar Ramën, se po ushqen urrejtje klasore ndaj të pasurve, se heqja e TVSh-së tek ushqimet shkatërron ekonominë e vendit.

RAMA, URREJTJE KLASORE NDAJ TË PASURVE

Ai sulmoi më tej Ramën, tek premtimi se "do të ulë taksat për 95% të shqiptarëve dhe se 5 % do bëhen anteu i kësaj toke për të mbajtur shtetin dhe shoqërinë".

Berisha ka përsëritur se "në çdo vend të lirë ekonomia nuk zhvillohet nga sipër poshtë, por nga poshtë sipër".

"Është klasa e mesme ajo që gjeneron mbi 90% të të ardhurave në çdo vend. Po përpiqesh të mbjellësh urrejtjen klasore ndaj të pasurve, mendon se duke të pasurit ndihmon të varfërit, por vetëm i çpunëson dhe varfëron më shumë ata.

HEQJA E TVSH-SË TE USHQIMET, SHKATËRRIM I VENDIT
 
Sipas Berishës, heqja e TVSH-së për për prodhime ushqimore është shkatërrimi i ekonomisë së vendit. "Alternativa e tij është e Shqipërisë, që vetëm ai ka në mendje që nuk e kund në tokë".
 
Berisha ka përmendur deklaratat e Ramës, se "400 mijë biznese të vogla, po rrënohen se qeveria mbi tatimin e xhiros vendosi 10%, se qeveria vendosi TVSH 20%, se në Shqipëri sot paguajnë TVSH 27 mijë e 700 kompani, por ka vetëm 336 kompani të vogla, që paguajnë tvsh", tha Berisha.

PROJEKTE TË MËDHA NË VORË

"Kemi bërë ndryshime, por kemi projekte më të mëdha, shkollën në Picar, stadiumin në qytetin e Vorës, të trefishojmë subvencionet për fermerët", Berisha ka ripërmendur se "u anëtarësuam në NATO, hoqëm vizat, morëm marrëveshjen e  Asocim-Stabilizimit".

Berisha premtoi se "ne do marrim statusin, por Rama na bllokoi, por u detyrua të firmosë për 3 ligjet. Do bëjmë gjithçka për liberalizimin e vizave me ShBA-të", ritheksoi Berisha.

Berisha ripërsëriti se qeveria e tij hoqi taksat mbi të gjitha llojet e kapitaleve të të gjitha llojeve. "Rama u premtoi qytetarëve se kur të vijë në pushtet do heqë taksat mbi makineritë. Shko pak te dogana moderne, që bizneset që nga 1 maji nuk paguajnë asnjë TVSh. Dhe fitojnë dhjetëra, qindra milionë lekë çdo muaj. Ne premtimet i bëjmë realitet", iu drejtuar Berisha kreut socialist.

Redaksia Online
(mag/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Dietologia Brikena Xhixha në Klinika 24: Kujdesuni për trupin tuaj pas kthimit nga pushimet e fundvitit

Dietologia Brikena Xhixha në Klinika 24: Kujdesuni për trupin tuaj pas kthimit nga pushimet e fundvitit

12 Janar, 14:01