Berisha në Maqedoni
merr çmimin e Lidershipit

TIRANE- Kryeministri Berisha do të zhvillojë një takim me Kryeministri Gruevski dhe pas takimit mes tyre dhe delegacioneve përkatëse, do të japin një konferencë të përbashkët për shtyp.

Berisha pritet të ketë takime të veçanta edhe me Presidentin e Maqedonisë, zoti Gjorgje Ivanov, Kryetarin e Parlamentit, Trajko Veljanovski, si dhe me kryetarët e partive shqiptare, kryetarin e BDI-së, zotin Ali Ahmeti, me Kryetarin e PDSH-së, zotin Menduh Thaçi, me Kryetarin e LSDM-së, zotin Branko Cervenkovski.

Në axhendën e Kryeministrit përfshihet gjithashtu, një vizitë në Tetovë. Kryeministri Berisha do pritet nga kryetari i komunës së Tetovës, zoti Sadi Bexheti dhe drejtues të tjerë lokalë. Më pas, Kryeministri do tė vizitojë Universitetin Shtetëror të Tetovës dhe Universitetin e Evropës Juglindore ku do ti jepet dhe
Çmimi Ndërkombëtar Për Lidership. Me këtë rast, Kryeministri Berisha do t’i drejtohet auditorit, me një fjalë.
(s.g/shqiptarja.com)