POP 5

Lajmet më të lexuara të 5 minutave të fundit

Arkiva

Berisha përuron HEC-et e Fanit
duke shpërthyer vetë malin

Kryeministri Berisha ka kryer sot shpërthimin e parë në shenjë simbolike, për nisjen e punimeve në HEC-et e lumit Fan: HEC-et e Gojanit, Gjegjanit, Peshqeshit, digën e Urës së Fanit dhe hidrocentralin e Fangut.(Foto: Pamje nga shpërthimi)
VIDEO/Berisha: Paratë e dëmshpërblimeve janë për ju
MIRDITE - Kryeministri Berisha ka kryer sot shpërthimin e parë në shenjë simbolike, për nisjen e punimeve në HEC-et e lumit Fan: HEC-et e Gojanit, Gjegjanit, Peshqeshit, digën e Urës së Fanit dhe hidrocentralin e Fangut që do ndërtohen nga kompania turke "Aydiner". Investimi vlerësohet 146 milionë euro. 

Ky projekt bazohet në bashkimin e dy lumenjve, Fanit të Madh dhe të Vogël me një tunel prej 32 kilometër të gjate, por dhe të një dige të larte prej 84 metër. Fuqia totale e instaluar e tyre është 111 prej MW dhe prodhimi vjetor i 7.1 përqind të nevojave të vendit.

shperthimi i heceve
(Foto: Pamje nga shpërthimi i kryer nga Kryeministri në ceremoninë e përurimit të nisjes së punimeve të HEC-it)

Kryeministri Berisha, në fjalën e tij, përgëzoi kompaninë për këtë investim, i cili kontribuon në mënyrë thelbësore në projektin e qeverisë – Shqipëria, vend lider në rajon për prodhimin e energjisë elektrike nga burimet ujore. Gjithashtu, sprehu mirënjohje për këto kompani të mëdha që besojnë dhe investojnë në Shqipëri. “Kompania turke investon këtu 146 milionë euro, para të sajat dhe pasi përfundon veprën paguan tarifën e koncesionit, taksën shqiptare dhe pas një periudhe të caktuar në kontratë ndërtimin, hidrocentralin ia kthen popullit shqiptar si pronë të tij. Kjo është e vërteta e koncesioneve. E thashë këtë për ata që bëjnë betejat e Donkishotit me koncesionet, për ata që kërcënojnë me anullime koncesionesh”, tha Kryeministri.

shperthimi i heceve
(Foto: Pamje nga ceremonia e përurimit të nisjes së punimeve të HEC-it)

“Do të ndërtojmë HEC-e në të katër anët e vendit. Të synojmë të nesërmen. Ftoj banorët dhe të gjithë shqiptarët të votojnë për zhvillmin, punësimin. Ne jemi seriozë në projektin tonë dhe ne po e faktojmë me projekte çdo ditë, se ku do të punësohen shqiptarët”,-tha kryeministri, duke sulmuar kreun e PS-së, sa i takon deklaratave të tij se do të anulojë konçesionet kur të vijë në pushtet.

shperthimi i heceve
(Foto: Pamje nga ceremonia e përurimit të nisjes së punimeve të HEC-it)

“Në to do të punësohen 30 mije qytetarë në të katër anët e vendit, janë format ndër më të suksesshmet për zhvillimin e një ekonomie. Këtë e them për ata të cilët bëjnë betejat e Don Kishotit me koncesionet, ata të cilët theksojnë se do bllokojnë koncesionet, ata përpiqen të bllokojnë zhvilimin, punësimin” ,- theksoi kreu i Qeverisë.

Redaksia online
(ar.sh/b.y/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50