POP 5

Lajmet më të lexuara të 5 minutave të fundit

Politikë

Berisha plan për vrasjen e Meksit
 ish kryeministri: E vërtetë

Ish-truproja i Sali Berishës akuzon sërish ish kryeministrin demokrat, se ka urdhëruar një vrasje të mbetur në tentativë. Sipas postimit të tij të gjatë në profilin e Facebook, Haxhia thotë se ka pasur një plan për eliminim fizik të ish-kryeministrit Aleksandër Meksi nga Sali Berisha. 
Berisha plan për vrasjen e Meksit<br /> ish kryeministri: E vërtetë
Ish-truproja i Sali Berishës, Izet Haxhia, akuzon sërish ish kryeministrin demokrat, se ka urdhëruar një vrasje të mbetur në tentativë. Sipas postimit të tij të gjatë në profilin e Facebook, Haxhia thotë se ka pasur një plan për eliminim fizik të ish-kryeministrit Aleksandër Meksi nga Sali Berisha.

Ai shkruan se plani ishte rrëzimi i avionit me të cilin udhëtonte Meksi në vitin 1992, nga Italia për në Shqipëri.

“Lajmi i shumëpritur për rrëzimin e avionit që mbante Meksin nuk kishte ardhur, sepse falë pilotit italian me mjaft përvojë në fluturimet e tij në vendet afrikane si Somali, Libi, kishte bërë një ulje të pamundur në pistën e errët të Rinasit duke shpëtuar jetën e Meksit dhe pjesëtarëve të tjerë të delegacionit shqiptarë, dhe duke shuar ëndrrat e Koplikut për t’u bërë kryeministër dhe ato të Marshallit për të hequr qafe një kundërshtar potencial të tij Aleksandër Meksin…", shkruan Haxhia.
 
Pas postimit të tij që gjalli mjaft reagime në rrjetet sociale, ka reaguar ish kryeministri Aleksandër Meksi po në Facebook.

Meksi shkruan se është i tronditur nga rrëfimi i ish truprojës së Berishës, ndërsa sjell në vëmendje se ngjarja është e vërtetë.

aleksander meksi

“Më ka tronditur ky rrëfim i Izet Haxhisë. Ngjarja është e vërtetë. Kështu ka ndodhur. Por nuk i kam ditur dhe nuk jam interesuar asnjëherë për prapaskenat dhe rrethanat se si ka ndodhur. Nuk mund të flas më tepër për momentin…”, është shprehur Meksi.
 
Postimi i plotë në Facebook i Izet Haxhisë
"Po i kthehem një ngjarje që ka mbetur e panjohur për publikun në atë kohe të fillimit të sundimit të ‘Marshallit’. Nuk është përmendur as nga ai që ishte planifikuar të ishte viktimë e saj as nga askush tjetër,duke e lënë në harrese dhe duke hedhur fajin mbi ‘fshataret’ e zonës ,taktike kjo e përdorur më vonë në vjedhjen e floririt në Kërrabë…Ka qene viti ‘92 muaj Maj apo Qershor, kryeministri i asaj kohe Meksi kishte shkuar në një vizite zyrtare në Itali me ftesë të Andreotit. Meksi një eksponent i lartë i PD në dukje aleat i Berishës dhe i zgjedhuri i tij për kryeministër, ishte në krye të grupit që ishte kundër Marshallit dhe që muaj më vonë u përjashtuan nga PD për shkak të daljes hapur kundër marshallit, disa për parime e shumica ngaqë nuk morën postet që lakmonin në qeverisjen e parë të PD…
 
Marshalli tentoi të prishte ‘skemën’ e rënë dakord në mbledhjen e Kryesisë së PD pas fitores së 22 marsit, për moszgjedhjen e Meksit si kandidat për kryeministër të ardhshëm, me anën e mikut të tij, apo më saktë të dhëndrit të mikut te tij, e kam fjalën për Bashkim Koplikun vjehrri i të cilit, një sigurims famkeq ishte mik i ngushtë i Marshallit, që bëri edhe futjen e dhëndrit të tij Kopliku në PD nëpërmjet Berishës në një kohë kur Kopliku nuk kishte asnjë kontribut në PD.
 
Tentativa për nxjerrjen e Meksit jashtë ‘skemës’ së paracaktuar për ndarjen e posteve u bë në mbledhjen e Këshillit kombëtar të PD në sallën e fakultetit të Ndertimit, ku Kopliku propozoi veten e tij për kandidat për kryeministër, kuptohet me porosi të Marshallit, i cili kur dëgjoi këtë vetëpropozim bëri sikur u ‘mërzit! edhe pse ishte vetë pas kësaj ,sepse po të donte mund ta ndalonte një votim të tillë. Por prishja e skemës nuk funksionoi për Meksin, që gëzonte një përkrahje dhe respekt në radhët e PD gjë që trembte Marshallin…Ajo funksionoi vetëm për ‘gjeneralin ‘e mëvonshëm Imamin që ngeli pa postin e premtuar të kryetarit të parlamentit duke humbur në votimin ndaj Arbnorit… Meksi kishte fituar bindshëm ndaj Koplikut të cilit ju dha nga Marshalli posti i Ministrit të Brendshëm, duke lënë jashtë skemës së qeverisjes Hajdarin që ëndrronte dhe kishte filluar biles të ndante postet e drejtorëve në këtë ministri…Por Kopliku nuk ishte i kënaqur me këtë post, donte atë të kryeministrit dhe ranë dakord me Marshallin që ai të mbante këtë post të ministrit të Brendshëm vetëm për gjashtë muaj,dhe pastaj Kopliku do bëhej kryeministër.
 
Por, për t’u bërë kryeministër kishte një pengesë të madhe që ishte Meksi, me votim apo ndonjë komplot tjetër nuk mund ta hiqnin, duhej eleminimi i tij me ‘aksident’ dhe momenti i përshtashëm kishte ardhur. Në atë natë që Meksi po kthehej nga vizita në Itali me avionin qeveritar të Andreotit, kur ai ndodhej në fluturim, disa duar të padukshme prenë kabllon e energjisë elektrike që ndriçonte pistën e vetme të aeroportit të Rinasit. Është prerë kjo kabllo pikërisht në momentin kur avioni që transportonte Meksin as nuk mund të kthehej për Itali sepse nuk i mjaftonte karburanti, dhe as mund të ulej në një pistë pa ndriçim…
 
Gjatë këtyre minutave vjen në presidencë Kopliku, takohet me Marshallin dhe pastaj ‘çuditërisht’ Marshalli largohet më herët se çdo natë tjetër nga presidenca, duke më thënë duke dalë që mos merr as makinat as shoqëruesit e tjerë sepse do shkojmë me këmbë tek shtëpia e Mehmet Elezit. Pasi kemi shkuar me këmbë tek shtëpia e Mehmetit rreth orës dhjetë të natës, kemi qëndruar aty për rreth një orë e gjysëm, Marshalli më tha të mbyllja edhe radion që mbaja me vete që të mos bëja zhurme me të. Marshalli rrinte si në ankth të pritjes së një lajmi të rëndësishëm. Ka komunikuar njëherë nga tel. i shtëpisë së Mehmetit dhe pas kësaj telefonate me Koplikun është ngritur i mërzitur për t’u larguar nga shtëpia e Mehmetit.
 
Lajmi i shumëpritur për rrëzimin e avionit që mbante Meksin nuk kishte ardhur, sepse falë pilotit italian me mjaft përvojë në fluturimet e tij në vendet afrikane si Somali, Libi, kishte bërë një ulje të pamundur në pistën e errët të Rinasit duke shpëtuar jetën e Meksit dhe pjesëtarëve të tjerë të delegacionit shqiptarë, dhe duke shuar ëndrrat e Koplikut për t’u bërë kryeministër dhe ato të Marshallit për të hequr qafe një kundërshtar potencial të tij Aleksandër Meksin…"

Redaksia Online
Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Parashikimi i motit, e enjte, 26 dhjetor

Parashikimi i motit, e enjte, 26 dhjetor

26 Dhjetor, 07:43