POP 5

Lajmet më të lexuara të 5 minutave të fundit

Arkiva

Berisha: PS, politikë marksiste
Rama: Ne, si Obama e Merkel

Kryeministri sulmon programin e ri të Partisë Socialiste. Berisha: Rama me taksën progresive rrënoi bashkinë. Kryetari i PS-së reagon në Twitter: Ne jemi me marksistët Obama, Merkel, Sarkozy e Cameron, madje edhe me marksistin Berlusconi. Kurse Saliu është me çunat e Bllokut të vet.
Berisha: PS, politikë marksiste<br />Rama: Ne, si Obama e Merkel
TIRANE- Kryeministri Berisha e cilëson një program që bazohet mbi „politikën marksiste“ programin e ri, që Partia Socialiste prezantoi dje në Asamblenë e Përgjithshëm. Kreu i qeverisë e konsideroi propozimin e PS për taksën progresive si politikë marksiste e cila mund të shkaktojë vetëm rrënimin. Reagon kryesocialisti Rama: Ne jemi me marksistët Obama, Merkel, Sarkozy e Cameron, madje edhe me marksistin Berlusconi. Kurse Saliu është me çunat e Bllokut të vet”

BERISHA: PS, SI MARKSI TAKSON TË PASURIT
„Taksa marksiste nuk do të kthehet kurrë në këtë vend. Ata që mendojnë se do begatojnë vendin duke luftuar të pasurit, duke bllokuar privatizimin e koncesionin, nuk bëjnë gjë tjetër veçse shpalosin alternativën e etërve të tyre, e cila nuk mund të kthehet kurrë në këtë vend. Sistemi marksist nuk ka dhe nuk mund të ketë të ardhme. Ai është provuar që bazohet në rrënimin e të pasurve. Ata le të merren me Marksin po të duan, por i siguroj se do mbeten brenda selisë së tyre.Marksi në rrugët e Shqipërisë nuk do të mund të shëtisë më. E kanë provuar shqiptarët më shumë dhe në mënyrën më të tmerrshme se të gjithë të tjerët”, deklaroi Berisha. Kreu i qeverisë akuzoi Ramën, se me taksën progresive që aplikoi në Bashkinë e Tiranës, nuk bëri gjë tjetër vecse e rrënoi atë institucion.
“Na del me taksë progresive në një kohë që bashkinë e falimentove kur rrite taksat dhe e dorëzove si sistem fiskal të dështuar. Atëherë më thoni ju mua cfarë mund të bëjnë politikat fiskale të Marksit, përvec rrënimit...” shtoi Berisha.

Ai  garantoi investitorët se në Shqipëri e vetmja politikë që do të ndiqet është ajo e zgjerimit të lirisë ekonomike. “Sistemi marksist fiskal bazohet në rrënimin e të pasurve, ndaj edhe dua t’i garantoj sipërmarrësve investitorë, jo vetëm që nuk mund të ketë mendim për të rritur kontrollin ndaj tyre, por qeveria do lehtësojë veprimtarinë e tyre. Do zgjerojmë lirinë ekonomike të sipërmarrjes. Kjo është rruga më e sigurtë, në këtë kohë të vështirë krize”, theksoi Berisha.

RAMA: NE JEMI ME MARKSISTËT OBAMA, MERKEL
Menjëherë pas deklaratës së kryeministrit reagoi dhe kreu i opozitës. Në faqen e tij zyrtare në Tëitter Rama është përgjigjur duke thënë se një sistem i tillë taksash mbështetet nga liderët e vendeve të të fuqishme europiane e botërore. “Ne jemi me marksistët Obama, Merkel, Sarkozy e Cameron, madje edhe me
marksistin Berlusconi. Kurse Saliu është me çunat e Bllokut të vet”, shkruan Rama.

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Mos harroni çadrat! Reshje shiu dhe temperatura deri në 14 gradë

Mos harroni çadrat! Reshje shiu dhe temperatura deri në 14 gradë

28 Nëntor, 07:23