TIRANE - Ish-kryeministri Sali Berisha ka reaguar një takim të zgjeruar ndërinstitucional me drejtues e përfaqësues të ministrive dhe agjensive të lidhura drejtpërsëdrejti me procesin e legalizimeve me kryeministrin Rama . Në një shkrim në rrjetin social Facebook, Berisha shkruan se ky është një mashtrim. 

"Që kur erdhi në pushtet, Rama që gjatë fushatës elektorale premtoi në dhjetëra takime dhe që firmosi publikisht para qytetarëve në Kamëz kontratën e turpit për legalizim falas, ka bërë deri tani 18 dalje publike dhe takime për të mbuluar mashtrimin e tij. Ai në të gjitha këto dalje bërtet paturpësisht për legalizim falas, po që në të vërtetë është me çmime mbi 2 herë më të shtrejta se sa një vit më parë”, shkruan Berisha në Facebook. 

Sipas tij qytetarët nuk do ta falin Ramën për mashtrimin e tij për legalizimet falas. “Revolta e tyre do fshijë këtë qeveri!”, shkruan ish-kryeministri Berisha në Facebook.

Më poshtë postimi i plotë i Sali Berishës në Facebook:

"Rama cinik dhe i lig tallet me qytetaret per legalizimet.

Te dashur miq, pas droges dhe lidhjeve te saj me qeveritaret, kronikat televizive lajm me te shpeshte kane legalizimin "falas" te Rames paçka se pas fjales "falas" Rama vazhdon me fjaline tjeter se "ata qe do paguajne menjehere 20% te shumes do kene lehtesira te medha", etj etj. Keshtu, edhe sot, pas turit 5 ditor ne Venezia ku thuhet se Piktori deshtak paraqiti ne bienale si te tijat disa vepra te keshilltarit te tij per kulturen fon Velaj (Fatmir), nisi diten me serialin e mashtrimit per legalizimet sipas tij falas. Ai e bene kete mbasi eshte i tmerruar nga fakti se Kamza, Paskuqani, Kodra e Priftit, Lapraka, Kombinati, Keneta e Durresit etj etj po ziejne nga revolta e te mashtruarve nga premtimi Rames per legalizim falas. Qe kur erdhi ne pushtet, Rama qe gjate fushates elektorale premtoi ne dhjetera takime dhe qe firmosi publikisht para qytetareve ne Kamez kontraten e turpit per legalizim falas, ka bere deri tani 18 dalje publike dhe takime per te mbuluar mashtrimin e tij. Ai ne te gjitha keto dalje bertet paturpesisht per legalizim falas, po qe ne te vertete eshte me cmime mbi 2 here me te shtrejta se sa nje vit me pare. Qytetaret trima dhe te revoltuar nuk i falin kurre Rames poshtrimin qe u beri me mashtrimin e tij per legalizime falas dhe qe e vazhdon perseri 2- 3 here ne jave duke bertitur se legalizimi eshte falas por ju do paguan mbi 2 here me shume se 1 vit me pare. Revolta e tyre do fshije kete qeveri! Rama IK! IK! IK! sb"

Redaksia Online
(e.c/shqiptarja.com)