Berisha gati 3 orë 'luftë' në PD për selinë, 'pushton' vetëm katin e parë! Basha i paprekur në zyrën e tij! Policia shpërndan sulmuesit! Ish-Kryeministri tërhiqet: Rikthehemi më fuqishëm

Në deklaratën e tj të fundit në protestën e dhunshme që thirri sot, Sali Berisha i kërkoi militantëve të tij sakrifica ' në rrugën që kemi për të bërë'. Ai tha se protestat nuk do të ndalen dhe se qëllimi është rikthimi i PD në pushtet me votën e lirë.

"Sot gjithçka doli e qartë si në dritën e diellit. Kjo betejë tregon për të gjithë se rruga që kemi për të bërë nuk është e lehë, ajo kalon përmes sakrificave, një vendosmërie, pro ju garantoj që është një rrugë e suksesshme dhe fitimtare. Sot ne dëshmuam se jemi opozita e vërtetë e këtij kombi. Ky është një revolucion i pandalshëm, ndalet vetëm me përmbysjen e narkoshtetit, synon rikthimin në pushtet nëpërmjet votës së lirë të PD. Në 3 muaj kohë, ne rikthyem votën e lirë në zemrat tona, në PD. Tani mendojnë se mund ta mbajë të mbyllur në bunker Edi Rama, Lulzim Bashën, kurrë! Le të shpërndahemi për t'u rikthyer në betejën tjetër edhe më të fuqishme se kjo", tha Berisha.

Sali Berisha i ka dhënë fund protestës duke paralajmëruar tentativa edhe më të fuqishme në të ardhmen për të marrë godinën.

"Përpjekjet për të çliruar shtëpinë e lirisë do të vazhdojë deri në arritjen e qëllimit. Sot do të shpërndahemi, do të kujdesemi për të arrestuarit dhe të plagosurit. Do të njoftojmë shumë shpejt betejë tjetër, e cila nuk ndalet kurrë. Kjo betejë dëshmon edhe një herë se sa jetike është përpjekja jonë për ta bërë Shqipërinë me demokraci të vërtetë. Ta mbyllim sot këtu për ta vazhduar në forma edhe më të fuqishme se sot", tha Berisha.

Postimi i Stresit

Rreperi i njohur Stresi është shoqëruar nga policia, pasi ishte i pranishëm në protestën e dhunshme të Sali Berishës. Me një story në Instagram, Stresi thotë se ai nuk ka bërë asgjë dhe se shoqërimi i tij nuk është i drejtë.

"Nëse kam gjuajtur një gurë, keni të drejtë të veproni, por jo kot. Unë duhet të shoqërohem gjithmonë pa bërë gjë??", shkruan ai.

Teksa ishin duke u zhvendosur sërish drejt Partisë Demokratike Protestuesit e Berishës janë përplasen sërish me policinë, e cila ka hedhur gaz lotsjellës.

Sali Berisha ka premtuar që kjo që ndodhi sot është vetëm faqja e parë e historisë së protestës.

"Unë garantoj shqiptarët se jemi dhe do të mbetemi të pamposhtur në vlerat. Nuk kishte asnjë rrezik për deputetët.  Kjo që patë sot është vetëm faqja e parë e protestës, e historisë. Ata që mendojnë se do të mbajnë pengje për të shtypur vullnetin e qytetarëve gabojnë rëndë.

Sot bota pa fytyrën e vërtetë të Lul pengut që sot u mbrojt me të gjithë egërsinë e narkobanditëve të Edi Ramës. Shoqëria shqiptare meriton votën e lirë dhe një qeveri të dalë nga vota e lirë. Shoqëria shqiptare do të cclirohet nga narko-shteti", tha Berisha.

Policia e Shtetit mundi të largojë militantët e Berishës nga selia e PD-së. Të udhëhequr nga Sali Berisha ata janë zhvendosur para kryeministrisë.

Pas ka shpërndarë protestuesit dhe ka marrë në kontroll situatën, policia e ka rrethuar godinën e Partisë Demokratike me shirit të verdhë 'skenë krimi'.

Policia po shpërndan protestuesit e Berishës edhe nga Lana ku ishin vendosur pasi ikën nga gazi lotsjellës që u hodh në Selinë e PD.

Sali Berisha ka dalë nga zyrat e FRPD ku qëndroi ndërkohë që situata ishte e tensionuar. Ai është larguar nga ambiente e selisë së PD, ndërsa i është bashkuar protestuesve në Bulevardin Zhan D'Ark.

Selia e Partisë Demokratike është marrë nën kontroll nga Policia e Shtetit ndërohë që protestuesit janë shpërndarë, njerëzit e Lulzim Bashës janë pozicionuar mbi tarracën e selisë duke vëzhguar situatën.

Pas ndëryrjes së Policisë në selinë e Partisë Demokratike duke shpërndarë protestuesit me gazlotsjellës, militantët e Berishës kanë gjetur ‘strehë’ në lumin e Lanës.

Forcat e Policisë ndodhen tashëm në katin e parë të selisë së PD-së, për të shmangur dhunën në protestën e thirrur nga Sali Berisha, ndërsa është shoqëruar një person. Ndërkohë një grua, e pranishme në protestë është marrë nga ambulanca pasi është ndjerë keq.

Pasi e goditën për minuta të tërë me leva e shkopinj, militantët e Berishës kanë marrë vare për të shkallmuar derën e blinduar e për t'u futur në selinë e PD.

Një person ka mbetur i plagosur në Partinë Demokratike. Ai është goditur nga brenda godinës me sende të forta teksa po futej në katin e dytë. Ai ka qenë duke tentuar të futet në katin e dytë të godinës me disa të tjerë. 

Nga brenda godinës i kanë shtyrë dhe njëri prej tyre është lënduar. Ai është afruar pranë Berishës dhe i ka thënë që e ka rrahur policia e Lulzim Bashës. Ish-Kryeministri tha se i bën thirrje Bashës që të tërhiqet nga dhuna. 

Paria Demokratike ka reaguar nëpërmjet një deklarate në lidhje me dhunën në protestën e thirrur nga Sali Berisha. Në reagim, Berisha krahasohet me 'Ramën e 21 janarit', ndërsa thuhet se ai po tento të marrë me dhunë selinë e PD me një grusht njerëzish.

Sipas PD, Berisha është braktisur nga demokratët dhe se mundi të mbledhë as 800 mercenarë.

"Për të ardhur keq ku përfundoi Sali Berisha, i njëjtë me Edi Ramën e 21 Janarit! Me një grusht njerëzish kërkon të marrë me dhunë Partinë Demokratike për ta kthyer në një bunker, ku të strehojë veten dhe familjen kundër interesit të demokratëve dhe të shqiptarëve! Ka një lajm të mirë në këtë fatkeqësi për Sali Berishën: Ai është i braktisur nga demokratët. Janë më pak se 800 mercenarë në oborrin e PD, që ushtrojnë dhunë në këtë përpjekje të turpshme kundër demokratëve. Aktet e dhunës së sotme kundër Partisë Demokratike shënojnë izolimin final të Sali Berishës dhe largimin me turp nga skena politike", thuhet në reagim.

Gaz lotsjellës i është hedhur militantëve të Sali Berishës në katin e parë të selisë së PD-së. Gazi është hedhur nga disa vrima të hapura në dyert e blinduara, të cilat militantët e Berishës tentuan t'i hapin me dhunë.

Mbështetësit e Berishës që po protestojnë përpara selisë së PD-së kanë arritur të shqyejnë derën nga e cila futen deputetët, por janë përballur me një derë të blinduar të cilën po përpiqen ta hapin.

Sali Berisha ka ardhur me plan të mirëorganizuar për të pushtuar PD. Berisha duke qeshur tha se dera u hap vetë si 'hapu Suzam'.

"Referendarë të lirisë që janë sot më të vendosur se kurrë. Dyert e shtëpisë nuk mbyllën kurrë. Lulzim pengu apo Bash Brava i ka zaptuar këto zyra", tha Berisha.

Rport Tv sjellë pamje me dron nga selia e PD, duke treguar qartësisht atë që po ndodh në protestën e dhunshme të thirrur nga Sali Berisha . Sikurse mund të shihet edhe nga pamjet, militantët e Berishës kanë rrethuar thuajse të gjithë godinën, ndërsa një pjesë e tyre janë edhe në Bulevardin 'Zhan D'Ark'. Ata kanë thyer dyert e selisë së PD, duke u futur në kati e parë të godinës.

Për Sali Berishën Lulzim Basha nuk po zhvillon mbledhje lart. Sipas tij Basha është i rrethuar nga gardisët e Ramës me kundragaz.

Militantët e Berishës po tentojnë të hapin me trapan e çekiç derën e blinduar që të çon në katin e dytë të selisë së  PD. Pasi kanë shqyer dyert e tjera, ata synojnë të futen në të gjitha ambientet e selisë.

Militantët e Berishës me shkallë në duar për tu ngjitur në katin e dytë sepse ka një derë të blinduar që u pengon hyrjen.

Për mbështësen e Sali Berisha  Albana Vokshi demokratët që kanë hyrë në PD janë duke hyrë në shtëpinë e tyre dhe Lulzim Basha duhet të largohet.

"Po futen në shtëpinë e tyre, Lulzim Basha të dalë dhe t'ia lërë demokratëve. Ky është turpi i Lulzim Bashës", tha Albana Vokshi.

Militantët e Sali Berishës kanë thyer ehe dyert e zyrave të Forumit Rinor të PD, duke arritur të futen brenda.

"Lulzim Basha të iki nga ka ardhur, shtëpia e demokratëve është e jona", thotë njëri prej protestuesve.

Pasi u futën me dhunë në kati e parë të selisë së PD, duke shqyer derën kryesore, militantët e Berishës nuk ndalen duke thyer çfarë gjejnë përpara në godinë. Ata kanë mundur të hapin me dhunë një tjetër derë në katin e parë të godinës. Po ashtu ata kanë thyer e kanë bllokuar duke i lyer me sprite edhe kamerat e sigurisë të vendosura në murin e jashtëm të selisë.

Ndonëse protesta ishte planifikuar të niste në orën 12:00, militantët e Sali Berishës nuk kanë pritur këtë të fundit, por kanë shqyer derën e selisë duke u futur. Për Berishën ata janë futur në shtëpinë e tyre.

"Sot do e shndërrojnë bunkerin e Bashës në shtëpinë e lirisë, të ruajnë gjakftohtësinë të vetëpërmbahen për arritjen e qëllimeve tona. Basha është i shkarkuar. Unë kërkoj vetëpërmbajtje. Nëse ndërhyn policia, ndërhyn Edi Rama. Në shtëpinë e tyre kanë hyrë. Nuk ka të drejtë njeri të mbyllë derën e shtëpisë", tha ai.

Në një akt të rëndë, militantët e Sali Berishës sulmuan sot Roland Bejkon, duke e goditur atë nga pas, ndërsa nuk e lejuan të futej në selinë e PD. Megjithatë Berisha justifikohet se nuk ka parë skenën.

"Nuk e kam parë skenën por ne jemi lëvizje paqësore, jemi lëvizje paqësore", tha ai.

Për shkak të protestës së thirrur nga Sali Berisha, Report Tv sjell pamje ku duket se muri lidhës i parlamentit dhe Partisë Demokratike është rrethuar me tela me gjemba. Kjo për të shmangur kapërcimin e protestuesve nga ana Kuvendit për t’u futur në selinë blu.

" O Sali o hero, gjithë Shqipëria ty të do". Me këto thirrje militantët e Berishës kanë pushtuar Partinjë Demokratike dhe po thyejnë xhamat.

Militantët e Berishës shqyejnë derën Kryesore të Selisë blu dhe futen në katin e parë të godinës.

Gazetari Mero Baze ka komentuar përplasjen e mbështetësve të Berishës me sekretarin për pushtetin vendor të PD-së, Roland Bejkon.

“Sulmi ndaj Roland Bejkos, student i Dhjetorit dhe anëtarë i Kryesisë së PD është sulm në emër të Sali Berishës. Ai do të bëjë shembull dhune këdo që e ka sulmuar publikisht. I pandehuri i parë i këtij sulmi duhet të jetë Sali Berisha. Të tjerët është lehët të gjenden”, shkruan Baze.

Partia Demokratike ka reaguar pasi militantët e Sali Berishës sulmuan Roland Bejkon. Nëpërmjet një reagimi, PD e konsideron sulmin të papranueshëm, teksa thuhet se kjo është fytyra e vërtetët e Berishës që frymëzon dhunë.

"Dhuna e mercenarëve të Sali Berishës ndaj anëtarit të Kryesisë qendrore të PD Roland Bejko, është fytyra e Sali Berishës, që frymëzon dhunë, ushtron dhunë dhe pengon një sekretar të PD të vijë në seli në një mbledhje pune. E papranueshme që dhunohet një demokrat i orëve të para, një demokrat i ndershëm me kontribute 30 vjeçare në këtë parti. Roland Bejko u dhunua sot vetëm se mendon ndryshe nga Sali Berisha, vetëm se nuk i shërben interesit të Sali Berishës, vetëm se ka vendosur ti shërbejë interesit të demokratëve dhe PD", thuhet në reagim.

Policia e Shtetit ka marrë masa paraprake sa i përket protestës së thirrur nga Sali Berisha, ndërsa Forcat e Ndërhyrjes së Shpejtë janë vendosur në gatishmëri edhe përpara Ministrisë së Brendshme dhe Parlamentit.

Pas dhunimit të Roland Bejkos, Sekretar për Pushtetin Vendor nga mbështetësit e Sali Berishës, ka ardhur edhe reagimi i parë nga PD.

Nënkryetari Enkelejd Alibeaj shprehet se Berisha do gjak ndërsa vetë është fshehur.

"Sali Berisha do dhunë dhe gjak. Nxit demokratët të përplasen me njëri-tjetrin dhe vete është fshehur. Turp! Kjo është fytyra e vërtetë e Sali Berishës. Të dhunojë këdo që nuk mendon si ai", shkruan ai në Twitter.

Mbështetësi e Berishës e kanë pritur me ofendime Ronald Bejkon, duke e mos e lejuar të futet në selinë blu. Ata i bërtasin 'jashtë spiun', ndërsa Bejko është larguar duke dalë edhe nga rrethimi i oborrit të selisë.

Për mediat ai tha se është goditur nga pas nga persona që i ka mbajtur me bukë, ndërsa akuzoi Sali Berishën si fajtorë të situatës së krijuar. Sipas Bejkos, këto veprime ndaj tij janë bërë vetëm nga Enver Hoxha gjatë protestës ku ai ka qenë i pranishëm në Gjirokastër në 1991.

"Në shkurt të 1991 ishim duke organizuar protestën kundër Enver Hoxhës, aty na ka ardhur turma e Enveristëve na ka shkelu me këmbë. Ne luftuam për demokraci dhe shikoni si manifestohet sot nga këta. Sot marrim këta shembuj, ky është produkt i Sali Berishës dhe paaftësi e elitës së PD që e kanë lënë partinë në këtë pikë. Erdha për t'u futur në seli dhe u ndesha me këtë reagim. I them Berishës të mbajë njerëzit në kontroll sepse këtë që më bënë mua këta sot, na e ka bërë vetëm Enver Hoxha në 1991 në Gjirokastër. Këtë e bëjnë sot këta që unë kam ftuar 30 vite për demokraci. Nuk kanë faj këta, faj ka ai që i ka sjellë këtu që të vriten demokratët. Të arrijnë sot njerëz që i kë dhënë bukë të të qëllojnë nga mbrapa. Kjo është bërë vetëm për interes të Berishës. Unë e kam mbështetur Berishën nga ‘97 në 2013, ka një moment që boll është boll.", tha Bejko.

Spartak Braho tronditi me një deklaratë dje kur tha se një deputet do të vritet në protestën e Berishës për të marrë PD-në. Braho përmendi inicialet E.A, që sipas tij duhej të bënte kujdes për jetën e tij pasi ka informacione që do të tentohej të eliminohej.

Kjo ka bërë që Garda e Republikës ta marrë në mbrojtje deputetin Enkelejd Alibajn, duke i dhënë 2 shoqërues për ta mbrojtur.

Ndërkohë që në hyrje të Selisë blu është parë edhe deputetja Grida Duma e cila është parë me 3 shoqërues në automjetin e saj.

Teksa kanë mbetur edhe pak orë nga nisja e protestës së Sali Berishës, në tarracën e selisë së PD janë vendosur disa bokse. Bokset mund të jenë vendosur për t'u bërë thirrje protestuesve që të shmangin veprimet e dhunshme në rast agravimi të situatës.

Situata në Partinë Demokratike duket e tensionuar. Përveç forcave të rendit dhe FNSH, janë parë rreth selisë blu edhe automjete të forcave RENEA. 

Kreu i PD-së, Lulzim Basha ka shkuar në selinë e PD që prej orës 08:30 të mëngjesit të sotëm, ku po zhvillon një mbledhje me drejtuesit e degëve për zbatimin e vendimeve të marra nga Kuvendi Kombëtar i 18 dhjetorit. Teksa futej në seli, Basha nuk i kurseu batutat me gazetarët, teksa tha "vallen e Osman Takës do e kërcejmë më vonë", referuar protestës së Berishës.

“Mirëmëngjesi, qenke zgjuar herët shumë. Bravo të qoftë. Ndryshe nga vallja e Osman Takës. Do e kërcejmë më vone atë, pa merak”, tha Basha.

Policia është në gatishmëri për gjithçka që mund të ndodhë sot në Partinë Demokratike. Me dhjetëra forca policie kanë 'rrethuar' ambientet rreth selisë blu. 3 furgonë të Forcave të Ndërhyrjes së Shpejtë qarkullojnë në zonën rreth godinës së PD. 

Policia do të monitorojë të gjithë protestën e ditës së sotme. Ndërhyrja do të bëhet vetëm në raste të nevojshme dhe do të qëndrohet në gatishmëri. Përmes kamerave të sigurisë do të identifikohen element të rrezikshëm që mund të bëjnë trazira.

Anëtarët e Komisionit të Rithemelimit e mbështetësit e Berishës kanë organizuar militantët nga gjithë vendi për t'ju bashkuar protestës para selisë së PD. Por edhe pse po organizohet nga mbështetësit e PD, në dukje protestuesit e Berishës nuk po vijnë të organizuar, por, siç mëson Report TV, transporti po kryhet me automjete private.

Sipas organizatorëve të protestës  nga Durrësi pritet të nisen sipas tyre rreth 1200-1500 militantë të Berishës. Sakaq burimet pranë policisë bëjnë me dije se nuk ka masa të shtuara në Durrës, por do të jenë postoblloqet e zakonshme pranë mbikalimit të Shkozetit dhe në autostradë, të cilat ushtrojnë kontrolle tek automjetet përgjithësisht luksoze, me targa të huaja, apo tek ato të cilat duken të dyshimta.

Në Fier, deputeti Luan Baçi ka organizuar militantët e Berishës, por bie në sy numri i vogël i tyre. Para nisjes, Baçi tha se nuk do të hyhet me dhunë në selinë e PD.

"Jemi këtu sot. Është grupi i dytë që po niset drejt Tiranës. Janë një mase e madhe e degës Fier dhe degëve të tjera. Ka pjesëmarrje shumë të madhe. Do i ftoja anëtarët e PD, dega Fier, Roksovec, Lushnje, Divjake të ecin drejt Tiranës pa u frikësuar nga fjalët për dhunë apo veprime që dëmtojmë qytetarët. Protesta është masive, festive ku do të jemi për të zbatuar vendimin e 11 Dhjetorit për shkarkimin e Bashës”, u shpreh Baçi.

Nga Qarku i Gjirokastrës janë nisur 250 demokratë për të marrë pjesë në protestë, po ashtu në udhëtime private të organizuara nga vetë militantët.

Nga Kruja bëhet me dije nga mbështetësit e Berishës se janë nisur drejt Tiranës 500 persona.

Në Vlorë, kryetari i PD Vlorë, Genc Deromemaj thotë se në drejtim të kryeqytetit janë nisur rreth 1000 demokratë. Pjesa më e madhe e tyre janë nisur me automjete private dhe në organizime individuale ndërsa katër njësitë administrative të Vlorës janë bashkuar duke vënë në dispozicion të demokratëve një autobusë dhe dy furgona për tu nisur në drejtim të Tiranës. Çdokujt prej tyre i është kërkuar të kenë me vete kartën e anëtarësisë. Ndërkohë që nga Korça pretendohet se janë nisur rreth 1000 demokratë, ndërsa transporti u mundësua me mjete private. Atyre iu është kërkuar të kenë edhe kartën e anëtarësisë me vete.

Pak orë para nisjes së protestës së Sali Berishës, oborri para selisë së PD është mbushur me makina. Nuk dihet nëse ky është një skenar i kyedemokratit Lulzim Basha për të penguar protestën e Berishës, i cili ka thirrur mbështetësit e tij që të mblidhen para selisë së PD në orën 12:00. Ndërkohë Basha ndodhet në seli, ku po zhvillon një mbledhje me Kolegjin e Kryetarëve të PD.

Një orë para protestës së thirrur nga Sali Berisha, Lulzim Basha do të mbledhë në selinë e PD Kolegjin e Kryetarëve, ku do të diskutohet mbi zbatimin e vendimeve të dala nga Kuvendi Kombëtar i 18 dhjetorit. Pas takimit me Kolegjin e Kryetarëve, Basha do të mbledhë edhe Kryesinë për të miratuar programin e diskutuar nga Kolegji. 

Kujtojmë se në Kuvendin Kombëtar të 18 dhjetorit u rrëzuan vendimet e dala nga Kuvendi i 11 dhjetorit i Berishës, përfshirë edhe shkarkimin e Bashës, ndërsa u miratua edhe ndalimi i çdo personi të shpallur 'non grata' në PD që të jetë pjesë e pozicioneve drejtuese në parti.

“Të nderuar Kryetarë,

Të shtunën, datë 8 Janar, ora 11:00 do të zhvillohet mbledhja e Kolegjit të Kryetarëve të PD për diskutimin mbi kalendarin dhe masat për organizimin e partisë në zbatim të vendimit të Kuvendit Kombetar të datës 18 Dhjetor “Për miratimin e programit organizativ të Partisë Demokratike”. Në mbledhje merr pjese edhe Sekretariati i Partisë. Programi i diskutuar dhe miratuar nga Kolegji i Kryetarëve, do ti nënshtrohet më pas miratimit nga Kryesia e Partisë, e cila do të mblidhet po atë ditë", thuhet në mesazhin e dërguar nga Gazment Bardhi.