Berisha tentoi të blejë heshtjen
për viktimat e 21 janarit 2011

TIRANE- Ngjarja e 21 janarit e ndodhur pesë vite më parë trazon gjithnjë politikën shqiptare. Për vetë faktin se janë vrarë 4 demonstrues të pafajshëm në Bulevardin qendror të kryeqytetit nga plumbat e Gardës së Republikës e se për këto vrasje nuk është dënuar askush në këto pesë vite. Pavarësisht se kryeministri Edi Rama, atë kohë në opozitë dhe në krye të protestave kundër kryeministrit Sali Berisha, ka kërkuar me ngulm dënimin e autorëve, pavarësisht se po kërkon me ngulm reformimin e sistemit të drejtësisë pasi s’ka besim se do zbardhë këto vrasje, ende për një vrasje s’ka autor dhe çështja është pezulluar. Ndërsa i vetmi që nuk ka ndryshuar qëndrim është ish-kryeministri Berisha, që vijon të këmbëngulë se ishte grusht shteti e se ka kryer detyrën duke mbrojtur godinën.