Berisha vizitë nëntetar Pecit
"Krenarë për djemtë tanë"

TIRANË- Kryeministri Berisha ka takuar sot nëntetarin Aleksandër Peci në shtëpinë e këtij të fundit në periferi të kryeqytetit. Ai ka mbërritur në familjen Peci rreth orës 10.30 minuta.

Kreu i qeverisë është pritur nga vetë 24 vjeçari Peci dhe familjarët e tij. Pas takimit në familjen e komandos së kthyer nga Afganistani, kryeministri vlerësoi misionin heroik të Aleksandrit.
"Ne jemi krenarë për djemtë tanë në Afganistan. Aleksandri kaloi një situatë të vështirë, por luftoi m heroizëm", tha Berisha.

Një ditë më parë komandon shqiptare të kthyer nga Afganistani e vizitoi kryetarja e Kuvendit, Jozefina Topalli.

Aleksandër Peci u plagos në krye të detyrës, gjatë kryerjes së misionit në Kandahar, më 20 shkurt të këtij viti. Vetëm 4 ditë më parë ai u kthye në atdhe pas kurimit në një spital të Gjermanisë.

(aq/shqiptarja.com)