/ATSH-AFP/ - Një dështim i negociatave mes Greqisë dhe kreditorëve do të zhysë vendin në një recesion të thellë dhe do të  pengojë përmirësimim ekonomik aktual në Evropën Qendrore, theksoi sot Banka Evropiane për Rindërtim dhe Zhvillim (BERZH).
Institucioni me seli në Londër e gjykon situatën aktuale shumë të pasigurtë sipas parashikimeve të saj ekonomike, që përfshijnë për herë të parë Greqinë dhe që janë publikuar pas njoftimit për një rikthim të vendit në recesion.
Megjithatë ajo u angazhua në muajin mars për të investuar për herë të parë në Greqi, drejtuar nga e majta radikale e Alexis Tsipras dhe me këtë rast e ka përfshirë vendin në parashikimet e saj ekonomike të publikuara me rastin e asamblesë së përvitshme të organizuar në Tbilissi.