Besa Shahini vizitën e Kosovë, takim me homologen: Prezantova nismën e 'Parlamentit të Nxënësve'

Ministrja e Arsimit, Besa Shahini me homologen në Kosovë, Hykmete Bajrami

KOSOVË- Ministrja e Arsimit, Sportit dhe Rinisë, Besa Shahini ka zhvilluar sot një takim në Prishtinë me homologen e saj Hykmete Bajrami, Ministre e Arsimit, Shkencës dhe Teknologjisë në Kosovë.

Siç njofton zyra e shtypit të ministrisë, ky takim u zhvillua në kuadër të thellimit të mëtejshëm të bashkëpunimit në projektet e përbashkëta mes dy vendeve.Ministrja Shahini prezantoi para homologes së saj disa prej nismave të suksesshme të ndërmarra në Shqipëri:

“Prezantova nismën e "Parlamentit të Nxënësve" si këshilltarin tim në fuqizimin e zërit të të rinjve, si dhe portalin "Mësues për Shqipërinë" si mekanizmi që ka rikthyer tashmë në sistemin arsimor cilësinë, meritokracinë dhe transparencën” - u shpreh Shahini në rrjetin e saj social.

Ndër të tjera, Ministrja Shahini tha se "Në vijim, do të intensifikojmë programin e shkëmbimit të nxënësve "Si N'Shtëpinë Tënde" dhe do të rrisim shkëmbimet e studentëve dhe pedagogëve për cilësi më të mirë të arsimit të lartë".

B.K./Shqiptarja.com
  • Sondazhi i ditës:

    A duhet të caktohet një tjetër fashë orari ku të dalin vetëm të moshuarit?

Komento

Komente

  • Arsim Dashesi: 21/02/2020 18:53

    Futja Kot me keto, te pakten mos ja u thuaj edhe Kosovareve.....

    Përgjigju