Pas disa muajsh ka marrë fund kriza politike në Itali. Giuseppe Conte është betuar sot si kryeministri më i ri i vendit. Profesori i juridikut Conte ka këmbëngulur se ka me vete ekipin më të mirë të ministrave.
Zgjedhja e Conte si kryeministër erdhi pas marrëveshjes për krijimin e qeverisë të dy forcave politike “Lega” dhe “Lëvizja 5 Yjet”. Pas një dështimi për formimin e qeverise nga Conte javën e kaluar Presidenti italian, Sergio Mattarella, e ka mandatuar atë si Kryeministër pasi i prezantoi të enjten në mbrëmje listën e tij të ministrave për herë të dytë brenda një jave.
Në listën me ministrat e zgjedhur nga partitë populiste “Lega” dhe “5 Yjet” si ministër i Ekonomisë dhe Financave është zgjedhur Profesori Giovanni Tria.
Betimi lë pas një mori të panjohurash për italianët, vetë Bashkimin Europian dhe për mijëra shqiptarë që jetojnë dhe punojnë atje. Çfarë mund të ndryshoje për ata atje dhe për vetë Shqipërinë?
Matteo Salvini, në qeverinë e Guiseppe Contes do të drejtojë Ministrinë e Brendshme. Historiku i deklaratave të hershme të tij kundër emigracionit është i pasur, por në një rast komenton drejtpërdrejtë me tone raciste ndaj Shqipërisë dhe shqiptarëve.
“Shqipëria është vendi i ri kandidat për të hyrë në Bashkimin Europian. Për hir të historisë, ekonomisë, për të shkuarën dhe të ardhmen, t’i themi jo Europës si një supermarket. Betejë e vështirë? Ndoshta, por për t’u luftuar deri në fund. P.S: Bëjmë një shkëmbim? Ata hyjnë (në BE), ne dalim? Si thoni”, u drejtohet ai ndjekësve të vet në Facebook në 2014, një ditë pasi vendi ynë kishte marrë statusin e kandidatit.
Një vit më parë shënjestronte sërish emigracionin e paligjshëm duke përdorur si shembull shqiptarët. Shpërndan në profilin e tij një lajm nga kronika e zezë.
“Banda shqiptare arrestohet për organizimin e festave të mbushura me seks dhe drogë në një banesë ku jetonin emigrantë të paligjshëm. Çfarë Italie po na ndërton PD!”, shkruan ai.
Me afrimin e zgjedhjeve, tonet e tij në përgjithësi ndaj emigracionit dhe në veçanti ndaj shqiptarëve u zbutën. Nisi të sjellë shembuj integrimi. Njëri prej tyre ishte 23-vjeçari Mike Gjeli, anëtar i Lega Nord.
“Jam bir emigrantësh. Kam lindur këtu në Itali. Nuk e kam ndjerë veten të diskriminuar asnjëherë. Ne si familje kemi ndjekur dhe respektuar rregullat dhe Lega këtë kërkon, që të gjithë të respektojnë rregullat”, deklaronte Mike Gjeli në 2017.
Por, jo të gjithë kanë fatin e Mike Gjelit. Në Itali janë më mijëra shqiptarë me leje qëndrimi dhe pune të përkohshme, fati i të cilëve vihet në pikëpyetje nga politikat që do të ndjekë qeveria e re, sidomos Ministria e Brendshme e udhëhequr nga Matteo Salvini.
Një tjetër ndryshim mund të pritet edhe në qëndrimin e palëkundur të Italisë për rrugën integruese të Shqipërisë në Bashkimin Europian.
Me një koalicion euroskeptik, kjo mbështetje mund të lëkundet, ndoshta jo që nga 22-23 qershori, kur Këshilli i Europës do të mblidhet dhe do të vendosë nëse do të hapë negociatat me Shqipërinë, apo jo por në afatgjatë ndryshime mund të ketë./Tch/
Komente
Lajme të tjera
-
Emigrantët/ Matarella i kundërpërgjigjet Musk: Italia di të kujdeset për veten! S'na duhen recetat e tua! Meloni e mbështet! Replikon miliaderi: A ka demokraci tek ju?
13 Nëntor, 16:37 -
Itali/ Agjencia private e investigimit hakeron të dhëna nga policia, tatimet dhe politika! Përgjoi emailin e presidentit Mattarella
27 Tetor, 10:59 -
Begaj dhe presidenti italian në Horën e Arbëreshëve: Qytet simbol për kulturën dhe trashëgiminë arbëreshe
18 Tetor, 16:49 -
Prokurori që po heton Sali Berishën nderohet me titullin e lartë nga Presidenti italian! Arben Kraja 'Kalorës i Urdhrit të Meritës i Republikës Italiane'
7 Mars, 12:56 -
Engjëll Agaçi nderohet si 'Kalorës i Meritës' i Republikës nga presidenti Mattarella! Historia e panjohur e 'eminencës gri' pranë Edi Ramës
4 Tetor 2023, 18:38 -
Bajram Begaj në Itali, pritet me ceremoni zyrtare nga homologu Mattarella! Presidenti: Të mbyllet sa më shpejt marrëveshja për sigurimet shoqërore
26 Maj 2023, 16:31 -
Presidenti Begaj vizitë zyrtare në Itali më 26 dhe 27 maj, takim me homologun italian! Në fokus procesi i integrimit të Shqipërisë në BE
24 Maj 2023, 10:13 -
Nata e parë e Sanremo! Performojnë 14 artistët ‘big’! I pranishëm dhe presidenti Mattarella, emocionohet nga monologu i Roberto Benignit
7 Shkurt 2023, 21:29 -
Nga presidenti i Francës te i Italisë, Begaj merr mesazhe urimi nga liderë të ndryshme të botës për 110-vjetorin e Pavarësisë
29 Nëntor 2022, 14:38 -
Giorgia Meloni, betohet tek presidenti Mattarella duke u bërë Kryeministrja e parë grua në historinë e Republikës Italiane!
22 Tetor 2022, 15:17
-
Liderja e Ekstremit të Djathtë merr detyrën, Giorgia Meloni bëhet kryeminstrja e parë femër e Italisë
21 Tetor 2022, 17:14 -
Vetë italianët nuk janë të habitur
26 Shtator 2022, 19:56
DUKET me plak as presidenti profesori.
Përgjigju