Presidenti Joe Biden do të vizitojë të shtunën Floridën për të parë nga afër dëmet e shkaktuara nga uragani Idalia, e garantuar mbështetje për popullatën e prekur nga stuhia. Gjatë qëndrimit të tij atje, ai nuk pritet të takohet me Guvernatorin republikan të shtetit Ron DeSantis, njëkohësisht një prej rivalëve të mundshëm të tij në garën për president.
Të premten Presidenti Biden, u tha gazetarëve se do të takohej me guvernatorin gjatë vizitës së tij, por më pas zëdhënësi i zotit DeSantis, Jeremy Redfern, tha se nuk ishte planifikuar asnjë takim mes tyre dhe se "përgatitjet lidhur me sigurinë për një takim të tillë, do të bllokonin përpjekjet në vazhdimësi, për t’u ardhur në ndihmë zonave të përmbytura”.
Dyzet e katër vjeçari DeSantis, po kandidon për të marrë emërimin zyrtar të partisë për president. Sondazhet e rendisin atë të dytin pas ish-Presidentin Donald Trump, por me një diferencë të thellë mes tyre.
Zoti Biden dhe zoti DeSantis kanë biseduar rregullisht gjatë gjithë javës lidhur me stuhinë, që goditi rajonin Big Bend të Floridës, me erëra që arritën shpejtësinë e rreth 200 kilometrave në orë.
Të mërkurën presidenti tha se gjatë bisedave të tyre ata e kishin lënë jashtë politikën. “Mendoj se ai i beson gjykimit tim dhe dëshirës time për të ndihmuar", tha Presidenti Biden.
Shtëpia e Bardhë tha se Presidenti Biden, i cili pritet të shoqërohet gjatë këtij udhëtimi nga bashkëshortja e tij, Jill Biden, informoi zotin DeSantis për vizitën gjatë një bisede të enjten dhe se guvernatori nuk kishte ngritur asnjë shqetësim.
“Vizita e tyre në Florida është planifikuar në koordinim të ngushtë me FEMA-n, si dhe me udhëheqësit shtetërorë dhe lokalë për të siguruar që nuk ka do të ketë ndikim në operacionet e reagimit”, tha zëdhënësja e Shtëpisë së Bardhë Emilie Simons, duke iu referuar Agjencisë Federale të Menaxhimit të Emergjencave.
DeSantis ka qenë një kritik i ashpër i zotit Biden dhe të dy janë përplasur në distancë mbi çështje si vaksinat kundër COVID-19, aborti dhe të drejtat e komunitetit LGBTQ. Ata u takuan vitin e kaluar kur zoti Biden shkoi në Florida për të parë nga afër dëmet e shkaktuara nga uragani Ian. Zoti Biden tha në atë kohë se ata kishin punuar ngushtë së bashku.
Ndërsa gara presidenciale brenda kampit republikan po intensifikohet zoti DeSantis mund të mos dëshirojë të fotografohet me zotin Biden duke inspektuar sëbashku dëmet e shkaktuara nga stuhia. Edhe pse në sondazhe ai rendihet i dyti pas zotit Trump, zoti DeSantis kryeson ndaj kandidatëve të tjerë republikanë në garë./VOA
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
