POP 5

Lajmet më të lexuara të 5 minutave të fundit

Bota

Biden nuk pendohet për tërheqjen e trupave nga Afganistani! Talebanët s’kanë të ndalur, marrin nën kontroll edhe një qytet strategjik

Presidenti amerikan, Joe Biden, ka thënë se nuk pendohet për vendimin e tij që të tërheqë trupat ushtarake nga Afganistani, teksa talibanët vazhdojnë të rrisin kontrollin.

 “Ata duhet të luftojnë për veten e tyre”, ka qenë kjo deklarata e presidentit amerikan, Joe Biden, teksa ka theksuar se nuk pendohet për vendimin e tij për tërheqjen e trupave ushtarake nga Afganistani.

Në një kohë që talebanët po fitojnë gjithnjë e më shumë terren, Biden u ka bërë thirrje liderëve në Afganistan që të bashkohen dhe të luftojnë “për kombin e tyre”.

Dhuna është përshkallëzuar në këtë shtet tani që forcat e udhëhequra nga Shtetet e Bashkuara janë duke u tërhequr nga Afganistani, pas 20 vjetëve të operacioneve ushtarake.

Talebanët kanë fituar kontrollin e të paktën tetë nga 34 kryeqytetet e provincave, dhe janë duke kërcënuar për më shumë.

I fundit që kanë marrë nën kontroll është qyteti kyç afgan, Pul-e-Khumri, 225 kilometra në veri të kryeqytetit Kabul, duke siguruar kontrollim të rrugës strategjike që e lidh Kabulin me veriun dhe perëndimin e vendit.

 “Pul-e-Khumri u mor nga talebanët, ata janë gjithkund”, tha një zyrtarë gjatë një bisede telefonike, gjatë së cilës dëgjoheshin të shtëna të shumta.

Për fitoren e talebanëve pretendoi edhe një zëdhënës i tyre në rrjetet sociale. Pamjet e publikuara në internet tregonin flamuj të talebanëve në portat e qytetit dhe luftëtarë brenda tij.

Më shumë se 1,000 civilë janë vrarë si pasojë e luftimeve të ashpra në mes të talebanëve dhe forcave qeveritare muajin e kaluar. UNICEF, ka paralajmëruar këtë javë se mizoritë ndaj fëmijëve po rriten “ ditë pas dite”.

Forcat e udhëhequra nga Shtetet e Bashkuara kanë rrëzuar talebanët nga pushteti në tetor të vitit 2001.

Talebanët kanë strehuar Osama Bin Laden dhe figura tjera të Al-Kaidës, të lidhura me sulmet e 11 shtatorit të po atij viti në Shtetet e Bashkuara.

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 12/08/2021 03:08

    Atehere perse vlejti sakrifica e jetes te gjithe atyre ushtareve amerikane e aleateve,qe t'a marrin prape ne dore pushtetin talebanet?! Kjo duket sikur pas L.II.B,pas gjithe atyre sakrificave te bera, te vinin prape nazistet ne pushtet.Mr.Biden, eshte me e veshtire te fitosh paqen,se sa luften dhe ne Afganistan nuk u fitua asnjera.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06