POP 5

Lajmet më të lexuara të 5 minutave të fundit

Bota

Biden paralajmëron Putin: SHBA do të marrë masa pas sulmit të fundit kibernetik

Biden i ka thënë të premten Putinit se SHBA-ja do të marrë “të gjithë hapat e nevojshëm” për të mbrojtur amerikanët dhe infrastrukturën kritike të kërcënuar nga sulmet kibernetike, ka thënë Shtëpia e Bardhë.

Biden paralajmëron Putin: SHBA do të marrë masa pas sulmit të fundit kibernetik

Presidenti i SHBA, Joe Biden dhe ai rus, Vladimir Putin

Presidenti amerikan, Joe Biden, i ka bërë thirrje homologut të tij rus, Vladimir Putin “të marrë masa” kundër grupeve që kryejnë krime kibernetike nga Rusia, ka njoftuar Shtëpia e Bardhë.

Sulmet kibernetike në Shtetet e Bashkuara dhe vende tjera, janë shtuar dukshëm në vitin e fundit, dhe kanë përfshirë sulme të profilit të lartë. Si pasojë e sulmeve të tilla, një gazsjellës i madh ka ndalur punën për disa ditë në lindje të SHBA-së.

Biden i ka thënë të premten Putinit se SHBA-ja do të marrë “të gjithë hapat e nevojshëm” për të mbrojtur amerikanët dhe infrastrukturën kritike të kërcënuar nga sulmet kibernetike, ka thënë Shtëpia e Bardhë.

Thirrja telefonike, që Shtëpia e Bardhë ka thënë se ka zgjatur rreth një orë, ka ndodhur disa ditë pasi Kaseya, kompani teknologjike me bazë në Florida, ka qenë cak i një sulmi kibernetik që ka ndikuar në punën e qindra bizneseve amerikane dhe mbi 1,500 bizneseve tjera në nivel global.

Informacioni për shkallën e sulmit, që sipas ekspertëve të sigurisë kibernetike është më i madhi në histori, mbetet i pakompletuar.

Grupi për krime kibernetike me bazë në Rusi, REvil ka pretenduar se ka kryer sulmin dhe ka kërkuar monedha digjitale në vlerë të 70 milionë dollarëve për të mundësuar qasjen në softuerin e kompanisë.

Zëdhënësja e Shtëpisë së Bardhë Jen Psaki, ka thënë se Shtëpia e Bardhë nuk ka “informacione se Qeveria ruse ka dhënë urdhër për sulme të tilla”, mirëpo Kremlini ka “përgjegjësi për të marrë masa”.

Biseda në mes të dy liderëve ka ardhur më pak se një muaj pasi dy liderët kanë realizuar takimin e parë ballë për ballë në Gjenevë.

Në të, Biden ka paralajmëruar Putinin kundër sulmeve kibernetike në bizneset amerikane si dhe për infrastrukturën që buron nga Rusia./ REL

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • dref: 09/07/2021 22:14

    haaaaaaaaaaaaaaaaaaaaaaaaaaaaaaaaaaaaaaaa, i ha trapi putin per xho gjumashin, biles plehra me e madhe ne amerike xhon kerry ka shkuar ne rusi per te takuar putin dhe ti lepij prapanicen

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

GOLAT/ Liverpool shkëlqen me 'poker' në FA Cup, Chiesa gjen golin e parë

GOLAT/ Liverpool shkëlqen me 'poker' në FA Cup, Chiesa gjen golin e parë

11 Janar, 16:41