Presidenti Joe Biden tha të enjten se sulmet ushtarake të SHBA-së kundër rebelëve Houthi, të mbështetur nga Irani në Jemen do të vazhdojnë. Ai megjithatë e pranoi se bombardimet amerikane dhe britanike ende nuk i kanë ndalur sulmet e militantëve ndaj anijeve në Detin e Kuq që kanë dëmtuar tregun global.
Dy zyrtarë amerikanë thanë se Shtetet e Bashkuara kryen një sulm të pestë të enjten në mëngjes që vuri në shënjestër një pikë tjetër nga hidheshin raketa. Zyrtarët folën në kushte anonimiteti për të dhënë detaje që nuk ishin ende publike.
Presidenti Biden u tha gazetarëve, para se të nisej nga Shtëpia e Bardhë për në Karolinën e Veriut për një fjalim mbi politikën e brendshme, se Uashingtoni do të vazhdonte sulmet.
“Kur pyesni a po ia arrijnë qëllimit të ndaljes së sulmeve ndaj Houthi-t, jo. A do të vazhdojnë sulmet, përgjigja është po”, tha Presidenti Biden.
Sulmet e fundit po kryhen ndërsa Shtetet e Bashkuara e rikthyen lëvizjen Houthi në listën e organizatave terroriste. Sanksionet kundër organizatave terroriste synojnë t’i shkëpusin ato nga burimet financiare. Pavarësisht sanksioneve dhe sulmeve ushtarake, përfshirë një operacion në shkallë të gjerë të kryer nga luftanijet dhe avionët luftarakë të SHBA-së dhe Britanisë, që goditën më shumë se 60 objektiva në të gjithë Jemenin, rebelët Houthi vazhdojnë të sulmojnë anijet tregtare dhe ushtarake. Shtetet e Bashkuara kanë paralajmëruar fuqishëm Iranin që të ndërpresë dërgimin e armëve për këtë grup.
Për muaj të tërë, rebelët Houthi kanë marrë përgjegjësinë për sulme ndaj anijeve në Detin e Kuq për të cilat ata thonë se janë të lidhura me Izraelin ose shkonin drejt porteve izraelite. Ata thonë se sulmet e tyre synojnë t'i japin fund ofensivës izraelite ajrore dhe tokësore në Rripin e Gazës që u nxit nga sulmi terrorist i grupit militant palestinez, Hamas më 7 tetor në jug të Izraelit.
Sulmet kanë vënë në shënjestër anijet tregtare që kalojnë tranzit nëpër ngushticën kritike Bab el-Mandeb që lidh tregjet aziatike me Evropën, që nga sulmi i 7 tetorit dhe lufta e mëvonshme e Izraelit kundër grupit militant në Gazë.
SHBA dhe aleatët e saj kanë formuar Operacionin “Prosperity Guardian” për të mbrojtur trafikun e anijeve dhe aktualisht anije luftarake nga Shtetet e Bashkuara, Franca dhe Mbretëria e Bashkuar po patrullojnë zonën.
“Këto sulme do të vazhdojnë për aq kohë sa të jenë të nevojshme” tha të enjten zëdhënësi i Këshillit të Sigurisë Kombëtare, John Kirby./VOA
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut
24 Nëntor, 07:55 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50
