Shtetet e Bashkuara nuk po tërhiqen nga komentet e bëra nga Presidenti Joe Biden, i cili ditë më parë e krahasoi Presidentin kinez Xi Jinping me një diktator. Komentet e zotit Biden erdhën pas vizitës së Sekretarit të Shtetit Antony Blinken në Kinë, në përpjekje për të riparuar marrëdhëniet mes dy vendeve. Pekini ka reaguar ashpër ndaj komenteve të Presidentit Biden.
Komentet e Presidentit Biden, që e krahason udhëheqësin kinez Xi Jinping me një diktator, nuk duhet të shkaktojnë habi, tha zëdhënësi i Departamentit të Shtetit Vedant Patel.
“Nuk do të hezitojmë të theksojmë fushat ku nuk pajtohemi, apo të shprehemi hapur për disa nga këto dallime. Presidenti dhe Sekretari i Shtetit e kanë shprehur qartë dallimin mes demokracive dhe autokracive”, tha ai.
Gjatë një takimi për mbledhje fondesh për fushatën e tij presidenciale, Presidenti Biden tha se zoti Xi nuk ishte në dijeni të balonës kineze të dyshuar për spiunazh, që fluturonte mbi territorin amerikan, të rrëzuar nga ushtria amerikane në muajin shkurt.
“Ky është një siklet i madh për diktatorët, kur ata nuk e dinë se çfarë ndodh”, tha zoti Biden duke shtuar se kur SHBA-të e rrëzuan balonën, zoti Xi u zu ngushtë dhe mohoi ekzistencën e saj.
Zëdhënësja e Ministrisë së Jashtme kineze, Mao Ning, reagoi ashpër të mërkurën gjatë një konference shtypi.
“Vërejtjet e SHBA-së janë jashtëzakonisht absurde dhe të papërgjegjshme, bien ndesh me faktet, shkelin seriozisht protokollin diplomatik dhe cenojnë rëndë dinjitetin politik të Kinës. Është një provokim i hapur politik”, tha ajo.
Presidenti Biden i bëri komentet një ditë pasi Sekretari i Shtetit Antony Blinken i dha fund vizitës në Pekin në përpjekje për të riparuar marrëdhëniet dypalëshe, të dëmtuara edhe më tej pas incidentit me balonë.
“Nëse angazhimet që po shohim, do të pasohen më pas nga kritika të tilla të drejtpërdrejta nga zyrtarë shumë të lartë, mendoj se pala kineze do të shtrojë pyetjen se cili është qëllimi i angazhimit në radhë të parë”, thotë për Zërin e Amerikës analisti Zack Cooper me institutin “American Enterprise”.
Ndërsa vizita e Sekretarit Blinken dështoi të sillte ndonjë përparim, ai dhe Presidenti Xi ranë dakord që të ulnin tensionet SHBA-Kinë në mënyrë që ato të mos kalojnë në konflikt.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
