Pandemia Covid-19 ka një emër të ri, dhe ai është Omicron. Varianti i ri shumë i transmetueshëm i koronavirusit u identifikua për herë të parë nga shkencëtarët e Afrikës së Jugut dhe u emërua me shkronjën e 15-të të alfabetit grek.
“Ky variant është shkak për shqetësim, jo shkak për panik. Ne kemi vaksinën më të mirë në botë, ilaçet më të mira, shkencëtarët më të mirë. Ne po mësojmë më shumë çdo ditë, dhe do ta luftojmë këtë variant me shpejtësi, veprime shkencore dhe maturi, jo kaos dhe konfuzion”, tha presidenti Joe Biden.
Menjëherë pas shpalljes së variantit të ri, presidenti Biden vendosi kufizime udhëtimi në disa vende të Afrikës Jugore. Kjo shkaktoi zemërimin e menjëhershëm të presidentit të Afrikës së Jugut Cyril Ramaphosa.
"Këto kufizime janë krejtësisht të pajustifikuara dhe diskriminojnë në mënyrë të padrejtë vendin tonë dhe vendet motra të Afrikës Jugore. Ndalimi i udhëtimit nuk është i bazuar në shkencë dhe as nuk do të jetë efektiv në parandalimin e përhapjes së këtij varianti".
Por presidenti Biden argumenton se po përdor kufizimet për të fituar kohë që më shumë amerikanë të vaksinohen dhe të marrin masa të tjera parandaluese.
“Ditën që Organizata Botërore e Shëndetësisë identifikoi variantin e ri, unë mora hapa të menjëhershëm për të kufizuar udhëtimet nga vendet në Afrikën Jugore. Por ndërsa ne e dimë se kufizimet e udhëtimit mund të ngadalësojnë shpejtësinë, ato nuk mund ta parandalojë variantin e ri. Por kjo na jep kohë për të ndërmarrë më shumë veprime”, tha presidenti.
Dr. Taison Bell, asistent profesor i mjekësisë në Universitetin e Virxhinias, thotë se ka shumë gjëra që shkencëtarët nuk dinë për variantin e ri –së pari, nëse është më i rrezikshëm. Pa e ditur këtë, thotë ai, është e vështirë të dihet se cila është mënyra më e mirë e veprimit.
“Të dyja palët kanë argumente të drejta. Nëse shikoni se ku është izoluar virusi tani, varianti omicron, ai është në shumë vende të tjera, në disa vende në Evropë, dhe përfshin njerëz që nuk kanë lidhje të drejtpërdrejta me Afrikën Jugore apo Afrikën e Jugut. Kështu që mendoj se argumenti që kjo masë duket diskriminuese – është i drejtë. Vendet që janë në listën e udhëtimeve të kufizuara nuk përkojnë me të gjitha vendet që tani kanë raste të izoluara. Kështu që, nga ana tjetër, mendoj se administrata Biden, Dr. Fauci dhe të tjerët, po përpiqen të frenojnë përhapjen dhe të fitojnë më shumë kohë”.
Presidenti Biden u bëri thirrje amerikanëve të pavaksinuar që të vaksinohen ndërsa të vaksinuarit të marrin dozën përforcuese. Kjo është këshilla e drejtë shkencore, thotë Dr. Bell - dhe ajo vlen jo vetëm për amerikanët.
“Kjo me të vërtetë duhet të jetë një thirrje urgjente që të bëjmë sa më shumë që të mundemi për të vaksinuar popullatën globale, sepse në fund të fundit, nëse më shumë variante janë në gjendje të lulëzojnë sepse virusi po qarkullon në nivele të larta, - ne duhet ta ndalojmë këtë nëpërmjet vaksinimit efektiv dhe zhdukjes së tij.”
Ndërsa variantet vazhdojnë të shfaqen, mjekët vazhdojnë të përsërisin të njëjtat mesazhe për të gjithë: vendosni maskën, mbani distancë dhe vaksinohuni.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
