Vetëm një minutë më pas kapiteni Mauro Icardi do të shënonte një gol të bukur pas krosimit nga Candreva. Pjesën e parë Interi e mbyll në sulm por nuk gjen dot golin e avantazhit. Në fraksionin e dytë Udinese shfaqet më mirë dhe do të vrasë ndeshjen me dy episode.Në minutën e 61-të akordohet penallti nga VAR për skuadrën e Massimo Oddo dhe ai që e kthen në gol është De Paul. Udinese merr avantazhin por nuk ndalet me kaq pasi në minutën e 77-të Barak finalizon një kundërsulm perfekt dhe i dërgon shifrat në 3-1 duke hedhur në tapet Interin për herë të parë këtë sezon. Udinese vijon ecurinë mjaft të mirë duke siguruar fitoren e tretë radhazi ndërsa Interi mbetet në kuotën e 40 pikëve por mëson edhe shijen e humbjes.
Në Bundesligën gjermane Bayerni i Mynihut fiton me vështirësi në transfertë ndaj Stuttgart 1-0. Golin e fitores e shënoi 11 minuta nga fundi Tomas Muller. Bavarezët shkojnë në kuotën e 41 pikëve 11 pikë më shumë se Schalke e vendit të dytë. Stuttgart kishte shansin të barazonte por penalltinë e gjuajtur nga Akolo në shtesë e pret portiere i bavarezëve Ulreich.
d.c./shqiptarja.com