Pak orë më parë një aksident automobilistik në Dibër, ka shkaktuar vdekjen e një 23 vjecari. Ngjarja ka ndodhur në afërsi të fshatit Maqellarë.

Automjet tip Mercedes Benz me targa AB 309 AF ka dalë nga rruga duke rënë në një greminë rreth 10 metra të thellë, duke shkaktuar vdekjen e 23 vjecarit Robert Sala, i cili ishte pasagjer. Ndërkohë që ka mbetur i plagosur rëndë drejtuesi i mjetit 30 vjecari Ervis Asllani.

Aksidenti duket se është shkaktuar nga humbja e kontrollit të mjetit si pasojë e shpejtësisë së madhe. ah/shqiptarja.com/