TIRANE- Edmond Selala ishte duke u mbajtur nën mbikëqyrjen e policisë pasi dyshohej se kishte vjedhur në banesën e një bashkëqytetari dhe materialin e vjedhur e kishte shitur për skrap. Madje, sipas të dhënave të policisë, Selala ia kishte marrë forcërisht mjetin, ndërsa policia e Laçit e kishte të dyshuar edhe më parë për një plagosje të mbetur pa autor.

Mirëpo, ndërsa gjurmohej për ngjarjen më të fundit, efektivët e Laçit kishin mësuar se Selala, mund të ishte personi që kishte qëlluar mbi një laçjan disa javë më parë, ndërsa Krimet e Rënda ende nuk kishin gjetur prova ta vinin në pranga.