POP 5

Lajmet më të lexuara të 5 minutave të fundit

Sociale

Tërmet me magnitudë 3.8 në Fier, lëkundjet ndihen në Vlorë, Lushnje e Mallakastër! Ja ku ishte epiqendra

Një tërmet me magnitudë 3.8 dhe me thellësi 15 km lëkundi qytetin Fierit mbrëmjen e sotme. Lëkundjet janë ndjerë edhe në Vlorë, në Lushnje dhe Mallakastër dhe kanë zgjatur vetëm pak sekonda.

Fier-Një tërmet me magnitudë 3.8 dhe me thellësi 15 km lëkundi qytetin Fierit mbrëmjen e sotme. Tërmeti ka rënë në orën 19:32, ndërsa lëkundjet janë ndjerë edhe në Vlorë, në Lushnje e Mallakastër dhe kanë zgjatur vetëm pak sekonda.

Sipas, Agjencisë Kombëtare të Mbrojtjes Civile, epiqendra e tij ka qenë në fshatin Kuman në Fier, ndërsa deri më tani nuk raportohet për dëme materiale e as për persona të lënduar.

“Sipas raportimeve nga Instituti i Gjeoshkencës është regjistruar një tërmet me magnitudë 3.8, më datë 25.10.2024, në orën 19:32:42.  Epiqendra ndodhet në fshatin Kuman, Bashkia Fier, me koordinata 40.711° N dhe 19.687° E, në një thellësi prej 15 km. Nga komunikimet e marra deri tani, nuk raportohen probleme për komunitetin apo dëmtime në infrastrukturë. Ministria e Mbrojtjes dhe Agjencia Kombëtare e Mbrojtjes Civile po monitorojnë situatën për çdo zhvillim të mëtejshëm", thuhet në njoftim.

Ndërkohë, banorët kanë dal në rrugë nga banesat e tyre të trembur, pas lëkundjeve të tërmetit, ndërsa ka pasur edhe disa pas lëkundje.

Banorët kanë dalë në rrugë të tronditur.  Ishte një lëkundje e fortë. Lëkundjet janë ndjerë edhe në qytetin e Fierit dhe ka pasur pas lëkundjes së parë edhe disa pas lëkundje të tjera. Njerëzit pas lëkundjes së parë dolën në rrugë dhe pasi çdo gjë kaloi  janë kthyer në banesa', informon gazetarja e Report Tv në Fier.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mandi: 25/10/2024 19:59

    Termetet e Bankers duke hapur burime nentokesore me lende plasese te ndaluar ne bote.e mori ne qafe ate zone.

    Përgjigju
  • Sondazhi i ditës:

    A e forcojnë besimin tuaj tek SPAK arrestimet e Metës e Çyrbjas?

Lajme të tjera



×

Lajmi i fundit

Një ditë e mirë për të reflektuar mbi marrëdhëniet tuaja, horoskopi për sot

Një ditë e mirë për të reflektuar mbi marrëdhëniet tuaja, horoskopi për sot

28 Tetor, 07:15