Biftekë të mbushur, kaluar në galetë

Përbërësit:

  • Biftekë viçi (romstek) të rrahur hollë
  • Kripë dhe piper i zi
  • Arra të copëtuara
  • Djathë kaçkavall
  • 2–3 vezë
  • 100 gr miell
  • 150 gr bukë e grirë (galetë)
  • Vaj luledielli për skuqje

Përgatitja:

Rrahim biftekët me çekiç kuzhine derisa të hollohen mirë. I rregullojmë me kripë dhe piper. Në mes të çdo bifteku vendosim arra dhe djathë kaçkavall. I palosim dhe i mbyllim mirë biftekët nga të gjitha anët. Pasi i kemi përgatitur të gjithë biftekët, i kalojmë fillimisht në miell, më pas në vezë të rrahura dhe në fund në bukë të grirë (galetë). I shtypim lehtë me dorë që panimi të ngjitet mirë dhe i lëmë mënjanë. Vendosim një tigan në zjarr me vaj luledielli, kur vaji të nxehet mirë, ulim zjarrin në mesatar–të ulët. Para skuqjes, biftekët i kalojmë edhe një herë lehtë në vezë dhe i vendosim në tigan. I skuqim duke i kthyer herë pas here, derisa të marrin një ngjyrë të artë dhe të piqen njëtrajtshëm. I heqim nga tigani dhe i vendosim në pjatë me letër kuzhine për të thithur vajin e tepërt.