POP 5

Lajmet më të lexuara të 5 minutave të fundit

Kronikë

Bilanc i frikshëm viktimash në 24 orë, 12 të vdekur në vend

12 persona humbën jetën në të gjithë vendin si pasojë e aksidenteve dhe mbytjeve në ujë. Ngjarjet më të rënda u regjistruan në Liqenin e Banjës ku u mbytën 4 persona të një familjeje dhe një aksident me pasojë vdekjen e dy të rinjve në periferi të Tiranës, si pasojë e rënies së fuoristradës në humnerë.

Dy të rinj humbën jetën si pasojë e një aksidenti të rëndë rrugor të ndodhur në fshatin Fortuzaj mbrëmjen e të premtes. Denis Çali, 33 vjeç, luftoi disa orë për jetën në Spitalin e Traumës por nuk ia doli. Ai po udhëtonte me një automjet tip “Range Rover” me shokun e tij Brusild Gjyla, 26 vjeç, i cili humbi jetën në vendin e ngjarjes pasi makina e tyre ra në humnerë në fshatin Fortuzaj, vetëm disa kilometra larg kryeqytetit.

33-vjeçari ishte viktima e 12 në harkun kohor të 24 orëve në vend. E premtja shënoi një bilanc të rëndë me humbje jetësh nga veriu në jug. Ngjarja më e rëndë u regjistrua në Liqenin e Banjës në Gramsh, ku u mbytën 4 persona, babai me 2 djemtë, njëri prej tyre i mitur dhe kushëriri i tyre. Arben Zogu, 46 vjeç, Rubensi, 19 vjeç dhe Esti, 14 vjeç, si dhe nipi i tij Melis Zogu, 20 vjeç, lanë sendet e tyre personale buzë liqenit dhe u futën të laheshin në liqen, por nuk dolën të gjallë nga aty.

Dy persona të tjerë vdiqën të premten në ujë, njëri në plazhin e Durrësit e tjetri në Tale të Lezhës. Një 68-vjeçar në Porto Romano shfaqi probleme shëndetësore sapo ra në kontakt me ujin dhe si pasojë humbi jetën, dhe dyshimet e para janë për vdekje nga arresti kardiak. Në të njëjtat kushte humbi jetën edhe një 52-vjeçar në plazhin e Tales.

Ndërkohë, një 45-vjeçar humbi jetën aksidentalisht në Elbasan pasi ra nga lartësia. Ngjarja e rëndë ndodhi në lagjen “Luigj Gurakuqi”, teksa ishte duke lyer muret e një ndërtese. Dife Gërdani, 70-vjeçe, ra në kontakt me korrentin teksa po tentonte të piqte bukën në furrë. Bashkëshorti tentoi t’i vijë në ndihmë duke shkëputur menjëherë energjinë elektrike nga pajisja, por e moshuara nuk ia doli.

Një 58-vjeçar që po drejtonte karrocën në Peqin humbi jetën pasi u përplas me një makinë që drejtohej nga një i ri 20 vjeç, ndërsa në Fier në orët e paradites së të shtunës një makinë doli nga rruga, fatmirësisht pa viktima.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alb: 22/07/2023 15:30

    As ne ukrahin nuk vriten ma shum ne dite.

    Përgjigju
    • Or tej: 22/07/2023 16:20

      Qe ka siperfaqe sa 30fishi e popullsi sa 20fishi jone or teeeejjjjj

  • Tregonikujdesonjerez: 22/07/2023 13:31

    Cfare beni keshtu o shqiptare!!! Edhe ne Ukraine qe jane ne lufte nuk vdesin 12 civile ne 1 dite.

    Përgjigju
  • Turi: 22/07/2023 13:10

    Duhet shume kujdes si ne uje ashtu edhe duke udhetuar me makine sepse ka shume dyndje , nuk eshte prb nese shkoni 30 min me vone por e rendesishme eshte te jeni te sakte

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12