Bilanc i rëndë në rrugët e vendit, 6 aksidente brenda një dite, 3 të vdekur e 8 të plagosur

Një aksident i rëndë rrugor ka ndodhur në aksin Elbasan-Cërrik, pranë fshatit Mjekës.

Në aksident janë përfshirë dy automjete, të cilët janë përplasur me njëri-tjetrin.

Burime për Report Tv bëjnë të ditur se si pasojë e aksidentit ka humbur jetën drejtuesi 28-vjeçar i njërit prej mjeteve dhe ka mbetur i plagosur shoferi tjetër 53-vjeçar, i cili është dërguar në spital për të marrë ndihmë mjekësore.

Fatmirësisht shoferi i plagosur ndodhet jashtë rrezikut për jetën, ndërkohë që Policia ka shkuar në vendin e ngjarjes dhe po punon për zbardhjen e plotë të rrethanave të aksidentit.

Njoftimi i Policisë:

Elbasan/Informacion paraprak-Në aksin rrugor “Elbasan–Cërrik”, automjeti që drejtohej nga shtetasi A. B., rreth 28 vjeç, është përplasur me automjetin që drejtohej nga shtetasi L. R., 53 vjeç. 

Si pasojë e aksidentit, ka humbur jetën shtetasi A. B., ndërsa është dëmtuar shtetasi L. R., i cili është transportuar në spital për ndihmë mjekësore.

Grupi hetimor ndodhet në vendngjarje dhe po punon për zbardhjen e rrethanave të aksidentit.

Përplasja e dy automjeteve në aksin Fushë-Krujë – Milot, në afërsi të Thumanës, rezultoi fatale, me një humbje jete dhe 3 të plagosur. 

Ngjarja ndodhi pasditen e së premtes kur një automjet Benz, i drejtuar nga 22 vjeçari Radvan Maja nga Borizana u përplas me një Passat që drejtohej nga 73 vjeçari Ndrec Ruçi nga Mirdita.

Për pasojë, të dy shoferët mbetën të plagosur rëndë, ndërsa pasagjerja, Tereza Laska, që udhëtonte në automjetin e 73-vjeçarit humbi jetën. 

Përplasja e fortë e dy makinave të cilat përfunduan jashtë rrugës, la të plagosur edhe një grua e cila ndodhej në biznesin e saj, pranë aksidentit.

Ajo u godit nga pjesë të makinës Pasat, i cili siç shihet në pamjet e siguruara nga Report Tv është shkatërruar totalisht.

Paraprakisht mendohet që shkak i aksidentit është ndërprerja e gabuar e rrugës nga Pasati dhe shpejtësia tej normave me të cilat udhëtonte shoferi i Benzit

Njoftimi i plotë i Policisë

Rreth orës 17:10, në kryqëzimin e fshatit Gramëz,  Fushë-Krujë, automjeti me drejtues shtetasin N. R., rreth 73 vjeç, është përplasur me automjetin me drejtues R. M., rreth 22 vjeç.  Nga aksidenti ka humbur jetën shtetasja T. L., 65 vjeçe (pasagjere në automjetin me drejtues shtetasin N. R) si dhe janë dëmtuar të dy drejtuesit e automjeteve dhe një këmbësore shtetasja A. S., rreth 40 vjeçe, të cilët ndodhen në spital, nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për zbardhjen e rrethanave të aksidentit.

Një aksident rrugor është regjistruar në aksin Lezhë–Milot, në afërsi të kryqëzimit të Shëngjinit.

Sipas informacioneve paraprake, një kamionçinë është përplasur me një motorçikletë dhe për pasojë ka mbetur i plagosur drejtuesi i kësaj të fundit.

I dëmtuari është transportuar menjëherë në spital për të marrë ndihmën e nevojshme mjekësore, ndërsa mësohet se ndodhet nën kujdesin e bluzave të bardha.

Ndërkohë, shërbimet e Policisë kanë mbërritur në vendngjarje dhe kanë nisur hetimet për zbardhjen e plotë të shkaqeve dhe rrethanave të aksidentit.

Njoftimi i plotë i Policisë 

"Rreth orës 17:00, në Ishull Lezhë, një mjet (kamionçinë), me drejtues shtetasin A. L., 44 vjeç, është përplasur me një motomjet me drejtues shtetasin N. D., 24 vjeç. Si pasojë e aksidentit është dëmtuar 24-vjeçari, i cili është transportuar në spital për ndihmë mjekësore dhe ndodhet jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit"

Një aksident fatmirësisht pa pasoja për jetën është shënuar pasditen e kësaj të premteje pranë 'Librit Universitar' në Tiranë.

Një automjet tip ‘Benz’ ka dalë nga rruga dhe ka përfunduar në trotuar duke rrezikuar jetën e kalimtarëve.

Pas aksidentit mësohet se shoferi është gjobitur me 40 mijë lekë.