Një çerek shekulli nga Konferenca e Rambujesë, shumëçka ka ndryshuar. Protagonist i Pavarësisë së Kosovës Hashim Thaçi gjendet në paraburgim në Hagë. Në Shqipëri, pikërisht në Bibliotekën e Kryeministrisë, personalitete të dy vendeve e sjellin, ish-presidentin e Kosovës këtë mesjavë përmes biografisë “Shtet i ri, burrë shteti modern’, të dy gazetarëve anglez Roger Boyes dhe Suzy Jagger.
“Ky libër botohet në kuadër të 25-vjetorit të Çlirimit të Kosovës, kur 25 vjet më parë dhe pikërisht në 12 qershor të vitit 1999 përfundoi Lufta për Çlirimin e Kosovës, dhe iu dha fund gjenocidit serb mbi shqiptarët e pafajshëm”, shprehet botuesi Rexhep Hida.
Historiani Paskal Milo e tregon Thaçin si lider të pa kompromis me të cilin Kosova arriti ngjarjet më të rëndësishme nga udhëheqja e shqiptarëve në Rambuje, ndërhyrja e Nato-s te deklarata e Pavarësisë.
“Është një mesazh i dyfishtë që aq sa i dërgohet Hashim Thaçit si akt solidariteti dhe mbështetje në betejën e tij me padrejtësinë, në tempullin e drejtësisë, aq edhe i dërgohet komunitetit vendimmarrës gjyqësor, që bashkë me shpërgënjtë, të mos hedh poshtë edhe foshnjën e revolucionit nacional të Kosovës, që udhëhoqi rezistencën e madhe kundër një regjimi kriminal si ai i Slobodan Milosheviçit, për të shpëtuar popullin e vet nga shfarosja e përmasave biblike”, shprehet historiani dhe ish politikani Paskal Milo.
Ka qenë po Milo që ka propozuar Arta Daden për të sjell në shqip këtë libër, si njohëse e mirë, jo vetëm e anglishtes por edhe e politikës. Dade thotë , se ky libër, ku janë edhe vetë të pranishëm I ka zgjuar kujtime dhe ndjesi. Kujton një prej vizitave në kamp të refugjatëve të Kosovës në Shkup.
“Janë të pashlyeshme ato momente, kur unë bashkë me miq të huaj vizituam kampin e Stankovecit. Kujtoj fytyrat e përlotura dhe të dhimbshme, të fëmijëve, të grave, që nuk dinin se ku i kishin të afërmit e tyre”, thotë Arta Dade.
Por përmes jetës së Thaçit, libri sjell edhe një panoramë të Luftës së Ushtrisë Çlirimtare të Kosovës.
“Brezi i Adem Jasharit, Hashim Thaçit, Jakup Krasniqit me të cilin 6 vjet kam ndenjur nëpër burgje të Serbisë është brezi më i lavdishëm i shqiptarëve të robëruar”, shprehet Bejtullah Tahiri, ish-komandant dhe veteran i UÇK-së.
Një kapitull në këtë Biografi i dedikohet edhe raportit të Dick Marty-n, ku autorët ngrënë pikëpyetje për motivimin politik të saj, në favor të Serbisë dhe kampit rus.
“UÇK-ja përveçse edukoi popullin e Kosovës, edukoi edhe komunitetin ndërkombëtar i cili deri në vitin 1998 qëndronte në pozita qetësimi” thotë historiani Pëllumb Xhufi.
Kjo biografi e sjell Kosovën si një libër paqedashës, pa konflikte në kufij por në të ngrihen pyetjet, nëse e ka mbështetjen e duhur për t’ia dalë mbanë në misionin e saj.
Lajme të tjera
-
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Kimete Berisha: Me Mickovskin kundër gjuhës shqipe
20 Nëntor, 11:20
-
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42 -
Policia konfiskon armatim në veri, dyshon për lidhje me rastin Banjska
19 Nëntor, 15:54
