Kina shprehet e shqetësuar për deklaratën e presidentit Donald Trump i cili është shprehur se  SHBA  e vënë në dyshim politikën e “ Një Kine” duke kërcënuar se nuk do të respektojë një drejtim të tillë të Pekinit.

Sipas kësaj politike, SHBA ka lidhje zyrtare me Pekinin, por jo me ishullin e Tajvanit, të cilin Kina e konsideron si pjesë të territorit të saj. Në një intervistë për “Fox News“, Trump tha se nuk ka arsye që një politikë e tillë të vazhdojë nëse nuk do të ketë lëshime të rëndësishme nga Pekini. 

“E di që SHBA ndjek politikën e një Kine të vetme, por nuk e kuptojmë pse duhet të vazhdojmë ta bëjmë këtë, përveçse në rastin nëse arrijmë një marrëveshje me Kinën“, tha Trump gjatë intervistës.

Ndërsa  Kina nga ana tjetër kërkoi që Trump të kuptojë  rëndësinë e cështjes së Tajvanit. Madje një media në Kinë, pikërisht gazeta e partisë komuniste reagon ashpër  duke e konsideruar Trump të paditur si një fëmijë.

Pas deklaratës së Trump, autoritetet kineze replikuan duke thënë se  Trump gabohet nëse mendon se mund të përdorë politikën e Një Kine  për të  detyruar Pekinin  për të patur marrëdhënie tregtare.

Të kuptuarit e cështjes së “ Një Kene” ka qënë  thelbësore në marrëdhëniet mes Ëashingtonit dhe Pekinit. Shqetësimet e Kinës vijnë edhe për faktin se ssnjë president amerikan nuk kishte folur në mënyrë të drejtpërdrejtë me një lider tajvanez .
 
Redaksia Online
(e.m/Shqiptarja.com)