Bisedimet BE- Mbretëri e Bashkuar/ Nuk ka optimizëm për marrëveshje post-BREXIT

Akoma nuk ka një marrëveshje mes Britanisë dhe Bashkimit Evropian ofruan variantet e tyre jo shumë optimiste të enjten mbi statusin e bisedimeve tregtare pas Brexit-it, ndërsa kanë mbetur vetëm dy javë nga një ndarje që pritet të jetë kaotike.

Ndërsa Ursula von der Leyen, presidentja e Komisionit Evropian, vuri në dukje “përparim thelbësor për shumë çështje”. Ajo shprehu shqetësime rreth diskutimeve për të drejtat e peshkimit. Edhe kryeministri britanik Boris Johnson paralajmëroi se një shkëputje pa marrëveshje dukej “shumë i mundshëm”. Të dy ata folën të enjten në mbrëmje, e fundit në një sërë bisedash dy javët e fundit që kishin për qëllim zhbllokimin e bisedimeve,  të cilat ende nuk po gjejnë një rrugëzgjidhje, për tre çështje kryesore.

Bisedimet kanë ngecur në lidhje me qasjen e BE-së në ujërat e Britanisë për peshkim, rregullat që të bëjnë të mundur konkurrencë të ndershme mes bizneseve dhe administrimi i çdo marrëveshjeje. Pas bisedës së tyre të fundit, Von der Leyen , presidentja e komisionit paralajmëroi se kapërcimi i mosmarrëveshjeve të mëdha, veçanërisht në fushën e peshkimit, “do të jetë shumë i vështirë”.

Britania vazhdon të jetë brenda tregut pa tarifa dhe bashkimit doganor të BE-së deri më 31 dhjetor.

TAG:
• BE
• brexit
• Ursula von der Leyen
• Boris Johnson
• Mbreteria e Bashkuar