POP 5

Lajmet më të lexuara të 5 minutave të fundit

Ekonomi

Bizneset duhet të fiskalizojnë faturat deri më 31 gusht! Tatimet: Do lëshohen blloqe tatimore deri në 15 gusht

Të gjitha bizneset do të kenë mundësi që deri në fund të gushtit të lëshojnë fatura nëpërmjet kasave fiskale si dhe të përdorin blloqet tatimore. Drejtoria e Tatimeve thotë se bizneset që nuk kanë nisur fiskalizimin në 1 korrik, dhe vijojnë me sistemin e vjetër kanë afat deri në 31 gusht që të fiskalizojnë transaksionet e tyre.

TIRANË- Prej 1 korrikut 34 mijë biznese duhet të nisnin zbatimin e fiskalizimit, dhe të kryenin transaksionet mes bizneseve pa para në dorë, por që jo të gjithë po zbatojnë këtë detyrim ligjor.

Shumë biznese vijojnë të lëshojnë fatura me sistemin e vjetër të kasave fiskale dhe të përdorin blloqet tatimore, për këtë arsye Drejtoria e Përgjithshme e Tatimeve njofton se të gjithë bizneset do të mund të operojnë në këtë mënyrë deri në 31 gusht të këtij viti.

Deri në fund të muajit të ardhshëm bizneset do mund të lëshojnë faturat me sistemin e vjetër dhe t’ju pranohen nga bankat.

“Drejtoria e Përgjithshme e Tatimeve informon tatimpaguesit se përdorimi i dokumentacionit tatimor ekzistues do të vijojë deri në datën 31.08.2021. Tërheqja e këtij dokumentacioni nga tatimpaguesit, pranë Drejtorive Rajonale, ku ata janë të regjistruar, do të mund të kryhet deri në datën 15.08.2021”, thuhet në njoftimin e tatimeve.

Pas muajit gusht bizneset nuk do ju pranohen nga institucionet financiare fatura të pa-fiskalizuara, për këtë shkak tatimet kërkojnë nga bizneset të nisin transaksionet pa para në dorë dhe të zbatojnë ligjin dhe të fiskalizojnë transaksionet e tyre, pasi faza e dytë e kësaj reforme për shitje-blerje mes bizneseve pa para në dorë ka filluar në 1 korrik.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56