Ndryshimet ligjore që u diskutuan sot në komisionin parlamentar të Veprimtarisë Prodhuese, do të bëjnë të mundur që të kufizohen institucionet dhe një pjesë e konsiderueshme e tyre të jepen nga Qëndra Kombëtare e Licencimit.
Aktualisht nga institucione të ndryshme jepen 61 autorizime për zhvillimin e aktiviteteve në fusha të ndryshme. Por deputeti i PD-së, Helidon Bushati, u shpreh se Ministria e Zhvillimit Ekonomik po kthehet në një "one stop shop" vetëm për dhënien e koncensioneve.
Vetëm pak ditë më parë, ministri i Zhvillimit Ekonomik, Arben Ahmetaj, bëri të ditur se dikasteri që ai drejton po ndërmerr nisma të reja ligjore për të përmirësuar klimën e të bërit biznes në Shqipëri.
Sipas tij, kjo do të fokusohet kryesisht në thjeshtimin e procedurave dhe eleminimin e burokracive administrative.
![](https://www.shqiptarja.com/template/img/sh_logo1.png)