Oficeri i policisë i ngarkuar me këto detyra ka komunikuar me tre biznesmenë, por në fakt asnjëri prej tyre nuk ka pranuar të flasë rreth kësaj çështje, duke bërë që momentalisht në prokurori të mos ketë asnjë nga dëshmitë të tyre.
Tre biznesmenët kanë refuzuar të dëshmojnë duke pohuar se nuk kanë asnjë njohje me Shullazin dhe se nuk janë gjobitur prej tij.
Momentalisht në prokurori ndodhet vetëm dëshmia e biznesmenit të basteve sportive në internet Jani Zaka dhe Mitri Priftit një noter në Durrës, që është djali i dajës së Zakas.
(Jani Zaka)
Të dy këta persona janë ripyetur për mënyrën e parkingut dhe se ka dhënë edhe përshkrimin e vendit ku ata pretendojnë se kanë takuar Emiljano Shullazin.
Momentalisht dëshmitë e tyre janë të vetmet prova kundër Emiljano dhe Blerim Shullazit.
Kjo dëshmi është kontestuar fort nga avokatët mbrojtës në gjykatë, por megjithatë Gjykata e Krimeve të Rënda ka vendosur masën e arrestit në burg për tre të arrestuarit nga policia e Tiranës.
Njëherësh Krimet e Rënda, kanë lënë detyra për të ndjekur të gjithë praktikën ligjore në hipotekën e Durrësit, “Parku Sportiv” dhe Ish-hotel Vollga.
Për këto pasuri prokuroria ka lënë detyrë të pyetjes së kryeregjistruesit të Durrësit me inicialet J.Ç.
Më tej detyra të posaçme për hetimin e grupit të Shullazit lihen dhe për mundësinë e trafikut të drogës. Ku në këtë drejtim, prokuroria kërkon të marrë të dhëna nga policia dhe SHISH.
Redaksia Online
(u.s/shqiptarja.com)
