Shkoder- Forcat elitë RENEA, bashkë me Policinë e Shkodrës dhe autoritetet malazeze asgjësuan mijëra rrënjë kanabis sativa në Bjeshkët e Gërçes në Kelmend të Malësisë së Madhe, në kufi me Malin e Zi.
Në hetimet që zgjatën për disa javë, u gjetën 3 parcela të mbjella me 11.358 rrënjë kanabis sativa, të cilat u dogjën plotësisht. Me ndërhyrjen që u bë nga ajri, blutë mundën të arrestojnë në flagrancë 28-vjeçarin Mark Gilaj, ndërsa po punohet për identifikimin e bashkëpunëtorëve të tjerë.
"Sot, më datë 25.07.2024, në orët e para të mëngjesit, pas një hetimi disajavor, në bashkëpunim me Prokurorinë pranë Gjykatës së Shkallës së Parë Shkodër, në kushte të vështira operacionale, është zhvilluar dhe finalizuar operacioni policor kundër kultivimit të bimëve narkotike, në territorin e Malësisë së Madhe, njësia administrative Kelmend, fshati Selcë, në vendin e quajtur “Bjeshkët e Gërçes”, në afërsi të kufirit me Malin e Zi.
Në zbatim të masave të përcaktuara në planin operacional kombëtar të koduar “Territor i pastër”, nga Drejtoria Vendore e Policisë Shkodër, në bashkëpunim me Policinë e Malit të Zi, Forcën e Sigurisë Kombëtare dhe me Njësinë Speciale “RENEA”, u finalizua operacioni policor i koduar “Bjeshket”, gjatë të cilit u bë asgjësimi i 11 358 bimëve narkotike të dyshuara cannabis sativa, të kultivuara në 3 parcela, si dhe kapja në flagrancë e autorit të dyshuar të kultivimit të këtyre bimëve, shtetasit Mark Gilaj, 28 vjeç, lindur dhe banues në Shkodër." tha Edmond Sulaj – Drejtori i policisë së Shkodër
Në konferencën për mediat, ishte edhe zëvendësdrejtori i Policisë së Malit të Zi, i cili foli për bashkëpunim të frytshëm midis 2 vendeve.
'Ne do të jemi së bashkë në luftën kundër krimit të organizuar dhe kultivimit apo trafikimit të drogës, duke mos lënë asnjë hapësirë në kufi për kalimin e saj' tha Lazar Šćepanović, drejtori i policisë së Malit të Zi.
Që nga muaji janar i këtij viti, janë asgjësuar në Shkodër gati 250 mijë bimë dhe fidanë kanabis sativa, si dhe janë evidentuar 242 raste të kultivimit, për të cilat janë referuar materialet për hetim në Prokurorinë e Shkodrës.
Në funksion të këtyre hetimeve që po kryhen nga DVP Shkodër, ne po koordinohemi dhe kemi një bashkëpunim shumë të mirë me Prokurorinë e Rrethit Gjyqësor Shkodër dhe me Prokurorinë e Posaçme SPAK, për dokumentimin ligjor të aktivitetit kriminal të personave të përfshirë në këtë veprimtari.
Gjatë operacionit u gjetën dhe u sekuestruan në cilësinë e provës materiale 1 armë zjarri pushkë dhjetëshe, me municion dhe 1 armë gjahu çifte që posedoheshin pa leje.
Janë publikuar pamjet operacioni 'Bjeshkët, një operacion i ndërmarrë mes Policisë së Malit të Zi dhe asaj shqiptare kundër kultivimit të kanabisit.
Në pamje e publikuara shihen forcat Renea, të cilat kanë zbuluar parcelat me kanabis, të cilat më pas janë asgjësuar duke u djegur.
Po ashtu, në video shihet edhe arrestimi autorit Mark Gilaj, 27 vjeç, banues në Shkodër, i cili u kap në flagrancë.
Shkoder- Drejtori i Policisë së Shkodrës Edmond Sulaj është pyetur ditën e sotme gjatë konferencës për shtyp për operacionin “Bjeshkët” nëse ka marrë mesazhe kërcënimi.
Pak ditë më parë, eksperti i kriminalistikës, Ervin Karamuca u shpreh se Drejtori i Policisë së Shkodrës kishte marrë një mesazh kërcënues në telefon “Mos dil vetëm natën”.
Gazetari: Drejtor ekziston një prendim se ju jeni kërcënuar kohët e fundit përmes mesazheve, mbi drejtimin tuaj si qëndron e vërteta?
Sula: Nuk është aspak e vërtet. Unë bëj jetën normale të një qytetari të thjesht shkodran dhe nuk jam i frikësuar.
Lajme të tjera
-
I dërguari i SHBA për Ballkanin Perëndimor, vizitë në Malin e Zi: Mbështesim reformat në sundimin e ligjit
20 Nëntor, 15:45 -
Po transportonte 5 emigrantë të paligjshëm, arrestohet në flagrancë 24-vjeçari në Vlorë
20 Nëntor, 14:00 -
Ish-kryeministri malazez Abazoviç viziton Ramën në studion e tij: Edi, padyshim një nga njerëzit më origjinalë në skenën politike botërore!
19 Nëntor, 18:55 -
680 mijë euro po hynin në Shqipëri të fshehura në dyert e makinës, arrestohet në Muriqan 51-vjeçari! Furgoni hyri nga Mali i Zi (EMRI + VIDEO)
15 Nëntor, 11:47 -
Arrestohet në Elbasan Erion Etemaj! Kosova e kërkonte për laboratorin e kanabisit në Pejë, ku u zbuluan 1 ton drogë! Dy ende në kërkim
15 Nëntor, 09:50 -
Tonin Vocaj ikën nga posti i drejtorit të policisë së Tiranës, letër falenderimi efektivëve: Stabilizuam sigurinë në Krujë! Kultivimi i kanabisit gati inegzistent në Tiranë
14 Nëntor, 14:29 -
Java Kulturore e Malit të Zi! Arti dhe tradita bashkohen në një festë të vërtetë kulturore në datat 7 me 12 Nëntor
5 Nëntor, 20:30 -
SPAK çon për gjykim Luis Çelën, pjesë e një grupi trafiku droge! Kultivonin kërp indian të ardhur nga Holanda e shisnin në Kalamata të Greqisë
26 Tetor, 14:26 -
Kultivoi kanabis në një fshat të Matit, arrestohet 33-vjeçari! Në hetim kryeplaku
24 Tetor, 09:58 -
Komisioni Evropian miraton planin e rritjes, BE nis së shpejti pagesat! 6 miliard euro për Ballkanin Perëndimor
23 Tetor, 15:26 -
KE për Planin e Rritjes 6 miliardë euro në Ballkanin Perëndimor: Gjysma e fondeve do të përdoren për infrastrukturë. Ja vendi që do përfitojë më shumë dhe sa merr Shqipëria
20 Tetor, 17:34 -
Aksident i rëndë në Malin e Zi, humbet jetën çifti shqiptar nga Peja! U përplasën me një tjetër makinë
20 Tetor, 16:24
