Blinken: SHBA dhe vende të tjera po shqyrtojnë alternativat për të ardhmen e Gazës pas Hamasit

Sekretari amerikan i Shtetit, Antony Blinken tha se Shtetet e Bashkuara dhe vendet të tjera po analizojnë alternativa të ndryshme lidhur me të ardhmen e Rripit të Gazës nëse militantët e Hamasit largohen nga qeverisja. Blinken tha para një komisioni të Senatit se ‘status quo’ nuk mund të vazhdonte për enklavën me popullsi të dendur të qeverisur nga grupi islamist palestinez Hamas dhe se as Izraeli nuk dëshironte ta kontrollonte atë.

"Mes këtyre dy qëndrimeve janë “disa alternativa të mundshme që ne po i shikojmë nga afër tani, po kështu edhe vendet e tjera”, tha Blinken.

LEXO EDHE:
Lufta në Gaza/ Rindizet konflikti me Hamasin, bombardimet izraelite vrasin një anëtar të Frontit Demokratik për Çlirimin e Palestinës

Blinken tha se ajo që do të kishte më shumë kuptim në të ardhmen do të ishte një “Autoritet Palestinez efektiv dhe i rigjallëruar” për të qeverisur Gazën, por pyetja qëndron nëse kjo mund të arrihet.

“Në të kundërt mund të ketë marrëveshje të tjera të përkohshme që kërkojnë përfshirjen e vendeve të tjera të rajonit. Mund të përfshijë agjenci ndërkombëtare që do të ndihmonin për çështjet e sigurisë dhe qeverisjen”, tha Blinken.

Lajmi kryesor:

Lufta/ OKB: Bastisjet në Jabalia mund të përbëjnë krime lufte! 4 italianë largohen nga Gaza, Tajani: Janë mirë

SI.E./Shqiptarja.com

TAG:
• lufta ne rripin e gazes
• Izrael
• Palestine
• antonio tajani