Sekretari amerikan i Shtetit Anthony Blinken zhvilloi një takim me disa udhëheqës të vendeve të Amerikës Latine në Lima, ndërsa ofroi ndihmë të re humanitare për emigrantët dhe refugjatët.
“Ka shumë njerëz në lëvizje nëpër botë, të zhvendosur nga shtëpitë e tyre. Numri më i lartë që nga koha kur kanë nisur regjistrimet, më shumë se 100 milionë”, tha Blinken.
Para se të mbërrinte në Peru, sekretari Blinken, u takua me Presidentin e Kilit Gabriel Boric. Të dy diskutuan për migracionin dhe marrëdhëniet tregtare midis dy vendeve.
Sekretari Blinken zhvilloi gjithashtu një takim me Ministren e Punëve të Jashtme të Kilit, Antonia Urrejola.
Ndër temat kryesore ishte kriza e migracionit në Venezuelë, që sipas Agjencisë së Kombeve të Bashkuara për Refugjatët janë më shumë se 6 milionë njerëz. Të dy u zotuan të punojnë për të lehtësuar bisedimet midis forcave politike në Venezuelë.
“Bisedimet mund të rifillojnë me qeverinë e Maduros dhe me opozitën venezueliane. Ajo që ne duam si vend dhe për këtë jemi në një linjë me Shtetet e Bashkuara, vendet e tjera të rajonit dhe vendet evropiane, është që këto bisedime të rifillojnë sa më shpejt. Venezuela mund të ketë zgjedhje të lira dhe demokratike në vitin 2024”, tha Antonia Urrejola, Ministre e Jashtme e Kilit.
Gjatë vizitës së tij në Kolumbi, sekretari Blinken vizitoi Qendrën e Migracionit në Bogota për të mësuar rreth strategjisë së kryeqytetit kolumbian për t’u marrë me çështjet e vazhdueshme të migracionit.
Që nga viti 2017, Shtetet e Bashkuara kanë dhënë rreth 3 miliardë dollarë ndihmë për Kolumbinë dhe vendet fqinje për t’i ndihmuar ata të merren me miliona venezuelianë të zhvendosur.
Qendrat e migracionit, të krijuara në fund të gushtit, lejojnë migrantët nga Venezuela të kërkojnë dhe të kenë akses në shërbime.
“Unë jam këtu në Bogota duke pritur për lejen time të punës. Mendoj se është një mundësi e mirë sepse mund të gjeni punë pa asnjë problem. Keni shumë mundësi dhe mund të punoni në çdo fushë që ju pëlqen”, thotë Genesis, migrante venezuelian.
Të tre vendet që vizitoi sekretari Blinken - Kolumbia, Kili dhe Peruja -drejtohen nga udhëheqës me prirje të majta.
Kjo prirje e nisur që nga vitit 2018 mund të përfundoj në fund të këtij viti duke bërë që gjashtë ekonomitë më të mëdha të Amerikës Latine: Meksikë, Kolumbi, Peru, Argjentinë, Kili, Brazil të drejtohen nga udhëheqës me prirje të majtë./VOA
Lajme të tjera
-
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08 -
Luigi Mangione deklarohet i pafajshëm për akuzat shtetërore për vrasjen e CEO-s Brian Thompson
23 Dhjetor, 22:52 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Biden fal dënimet me vdekje, konvertohet dënimi për 37 të burgosur
23 Dhjetor, 16:25
