POP 5

Lajmet më të lexuara të 5 minutave të fundit

Bota

Bllokadë ajrore e paprecedentë në SHBA! Të gjitha fluturimet të anuluara, Shtëpia e Bardhë: Nuk ka prova se është një sulm kibernetik

Fluturimet me avion brenda dhe jashtë Amerikës filluan dalëngadalë mesditën e së mërkurës pas një bllokimi disa orësh. 25 mijë avionë u parkuan nëpër aeroporte, në pamundësi për t’u ngritur në fluturim, për shkak të një problemi kompjuterik. Shtëpia e Bardhë thotë se ka nisur një hetim për rastin, por se nuk kemi të bëjmë me sulm kibernetik.

SHBA- Ka zgjatur disa orë një nga krizat më të rënda të fluturimeve në Amerikë. Agjencia amerikane e Aviacionit urdhëroi linjat ajrore të ndalojnë të gjitha ngritjet në fluturim mëngjesin e së mërkurës. Sipas autoriteteve amerikane, një problem në serverat qendror solli anulimin e mijëra fluturimeve, teksa qindra avionë të tjerë mbetën në ajër për orë të tëra. Për rastin reagoi vetë presidenti amerikan Joe Biden.

“Avionët mund të ulen në mënyrë të sigurt, por jo të ngrihen. Nuk e dimë ende shkakun", u tha Biden gazetarëve.

Problemi u raportua fillimisht rreth orës 6 të mëngjesit me orën amerikane dhe zgjati deri në mesditë. Rreth 25 mijë avionë u parkuan nëpër të gjitha aeroportet e Amerikës për shkak të dështimit tw sistemit qendror të serverave. Shtëpia e Bardhë ka bërë thirrje për hetim të plotë të rastit, ndërsa ka njoftuar se nuk kemi të bëjmë me sulm kibernetik.

Miliona pasagjerë udhëtojnë përditë brenda Amerikës dhe jashtë saj. Kjo krizë ka pasur ndikim edhe te aeroporte të tjera ndërkombëtare, që kanë pasur vonesa në mbërritje ose ngritje të avionëve në fluturim.

S.C/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Shkuan të verifikojnë personat me ndihmë ekonomike, kërcënohen me armë punonjësit e Task Forcës në Pogradec

Shkuan të verifikojnë personat me ndihmë ekonomike, kërcënohen me armë punonjësit e Task Forcës në Pogradec

25 Prill, 16:50